是「你的」三上悠亞

查實三上悠亞派福利，又何須細佬多講吖！不過你又知唔知，悠亞最近宣布成立自家服裝品牌「YOUR'S」呢？有粉絲就話品牌唔單止解作「你的」，更可解釋為「悠亞的」，皆因悠亞日文讀音係Yua，跟Your嘅發音相近。雖然潮物尚未正式發售，但悠亞已率先做生招牌，着上一系列衫褲拍攝寫真益街坊，佢仲話刻意以中性設計，男女都啱着，呢啲咪識搵食囉！有傳悠亞嘅AV銷量急跌，話唔定隨時唔拍AV，專心做生意。家陣悠亞經已係KOL一名，睇佢嘅社交網，除咗AV，仲會有化妝品好物推介，甚至旅遊地方推介，好似早前佢就去咗京都着和服影靚相，跟住又到奈良餵鹿，玩盡京阪神，順度同粉絲見面，玩住賺錢爽到呢！