好多女仔都希望擁有驕人雙峰，吸引身邊異性嘅注意，同時增加自信心！日本新紮巨乳系寫真女郎美森由美奈最初嫌自己個胸太大，但自從下海拍寫真之後，反而以胸大為榮，仲希望用對飽滿H奶嚟治療全世界男士嘅心靈添！
近年小弟從密集地欣賞日本寫真女郎及AV女優嘅經歷當中發現到一個現象，就係疑似假波之輩比從前多咗，而我師傅亦有同感，佢仲話：「睇囡囡睇咗幾十年，乜都睇化啦！真真假假都好，有肉咪睇囉！唔使執着於真定假。」呢方面徒弟仔我就絕對唔認同喇！真大胸比假大胸真係相差好遠，咁咩叫做極品真大胸呢？大家睇吓美森由美奈心口對巨乳就知喇！
22歲嘅由美奈唔算靚女，只係某幾個角色睇落比較吸引，但係面圓圓兼眼帶神采，總叫做順眼且甜美。講樣一定輸畀同行好多女優，但係由美奈嘅身材絕對贏到開巷，全身上下都係白滑而具彈性嘅優質肉地，胸前對H奶柔軟又充滿彈性，當佢將咪咪又夾又拋嘅時候，可見胸部隨動作而變形，證明可塑性極高，同時反映出呢對H奶絕對係純天然產品！
由美奈上年出道拍寫真，原來佢係自薦入行。話說佢好鍾意做運動，但每次做運動都令到巨乳出現劇烈搖晃，因而被朋輩取笑，佢亦嫌雙峰太大影響做運動，有諗過做縮胸手術。點知，某一日有朋友叫佢不如去拍寫真，唔會浪費優厚嘅天賦本錢，由美奈諗諗吓又覺得係道理，於是就挺起胸膛走去藝能事務所自薦，憑住一對優質H奶，梗係獲得對方垂青，仲讚阿妹同曾經被喻為寫真界四大天王嘅西田麻衣好相似添！由出道至今，由美奈共推出咗4部寫真映像作品，反應相當理想，佢話好高興得到大家嘅賞識，令佢增強自信心，仲話會繼續努力做健胸運動令咪咪更加堅挺，希望大家睇得心情暢快！咁阿妹你畀心機喇！
簡介：美森由美奈早前去到峇里島拍攝寫真映像作品，最近喺Twitter上分享相關嘅照片，大家想先睹為快就要Click入去睇睇喇！
網址：https://twitter.com/endlessroad51
年齡：22歲
身高：5呎2吋
三圍：37H-24-35
撰文：賢