近年IG相當受女生歡迎，粉絲數目多嘅話仲會被奉為IG女神添，而渡部麻衣嘅IG有成37萬位粉絲咁多，係其中一位獲日本傳媒公認嘅真正「IG女神」。雖然渡部麻衣今年已經29歲，但係佢天生麗質，加埋一副童顏面孔，絕對係天真無邪氣！麻衣除咗係一位時尚模特兒，近年亦積極參與拍日劇，發展路向愈來愈多。另外，麻衣最近推出首本個人寫真集《every moment》，當中會展露其招牌天真笑容，又會喺海邊、遊戲場等地方玩樂一番，展現活力十足嘅一面畀大家欣賞。麻衣亦會挑戰成人向演出，換上輕薄又少布嘅衣物凸顯胴體曲線美，仲會不經意咁將內衣或外衣拉高或拉低，誘惑度大大提升，令觀眾以睇得心滿意足！