師傅成日教我做人獻醜不如藏拙，明知自己喺呢一個範疇唔掂，就唔好喺其他人面前表露出嚟，否則就會落得畀人嘲笑嘅下場，而呢個情況最近就出現喺Ideapocket專屬小天后櫻空桃身上。
櫻空桃又靚女又好波，上年以寫真偶像身份加入AV界，表現一直備受好評，喺今年5月仲成功憑實力奪得DMM成人放送大獎最優秀新人女優獎添！咁完美嘅桃妹又點會有缺點畀人嘲笑呢？話說早前櫻空桃出席秋葉原一間DVD店搞嘅簽名握手會，當日捧場者眾，而態度親切又識得冧粉絲嘅櫻空桃除咗同佢哋握手、合照之外，仲為粉絲帶來嘅簽名板、書刊等簽名。櫻空桃除咗簽自己嘅大名，仲寫上鼓勵同祝福字句，認真夠晒貼心，之不過DVD店嘅高野經理見到桃妹寫嘅漢字後就覺得好好笑，原因係寫錯咗好多字，例如日日精進，就寫成日日「料」進，正義就寫成正「裁」、活動寫成活「働」、專屬寫成專「禹」等等，希望桃妹日後學寫多啲漢字，又或者下次唔好再寫漢字，以免再被人笑喇！
撰文：賢