足球妹晒肉球

對於今屆足球大型比賽有少少遺憾，唔係因為小弟支持嘅德國隊喺世界盃連分組賽都出唔到線，而係今年各傳媒好似失去咗捕捉德國靚女球迷嘅機會。不過，對於日本觀眾相信冇乜所謂，因為佢哋可以從電視螢光幕中，見到一位青春又好波嘅足球妹，佢就係佐藤美希喇！

25歲嘅佐藤美希本身係想做護士，不過讀護士專科學校讀到第二年嘅時候，因為媽媽話佢知可以參加「第38屆Hiro Pro演員選拔大賽」一圓明星夢，於是美希就膽粗粗參加比賽，結果奪得冠軍並進身演員行業，後來仲擔任埋日本職業聯賽形象女郎添！

早前美希喺大型足球比賽直播現身令觀眾大感驚艷，除咗靚女，身材高挑豐滿，皮膚又雪白，上圍對G Cup肉球更加令人噴血！如果大家想欣賞的話，就唔好錯過美希嘅首本寫真集《佐藤美希1st寫真集》喇！佢專程去到沖繩石垣島取景拍攝，喺自然美景觀中以泳裝上陣嚟個天人合一。此外，美希亦會突破性感界限，初次着上酥胸半露嘅性感內衣搔首弄姿，將出道以來最具挑逗性嘅演出帶畀大家。