人人都以為中女熟女係死路一條，但係脫星Kendra Lust剛好相反，以三十過外之齡入行，愈砌愈紅，之後做埋導演，又開經理人公司發掘新女，一句講晒，唔撈幕前都有大把收入。不過冇人會嫌錢多，最近Kendra Lust又有新搞作，話說有套喪屍電影喺籌旗網站「Indiegogo」集資，咪心邪，係正經戲嚟o架，片名暫叫《Dead Town》，而Kendra姐會飾演其中一角，戲份都幾重，仲會有性感演出，會返佢家鄉英國進行拍攝，時間約為7至10天。同時Kendra姐向傳媒表示，正積極籌備推出個人自傳，主題會專注幫助女性探索個人性取向，佢話之所以出自傳並非要炫耀乜嘢，事實上多年來佢遇見無數自稱沒有高潮嘅女性，無法解釋亦無法討論，所以想企出嚟幫佢哋「解放」！對於潮流界Kendra姐亦唔放過，同滑板品牌合作推出限量T恤及滑板，年尾仲會推出親自設計嘅珠寶首飾，首飾系列暫叫「Timeless」。以上一大堆計劃完全同色情無關，證明Kendra毋須搵老細埋班都能夠隨時起動，實力強勁！