每個作家都有自己嘅風格，亦有偏好嘅題材，而情慾小說家亦都一樣，好似美國情慾作家安妮‧瑪洛蕾咁，就偏愛以瀟灑多情嘅男主角，同聰明又溫柔嘅女主角，配合懸疑劇情構成一個個令人回味無比嘅情慾故事，喺佢嘅作品《禁忌夜夢》中便盡情體現出這點。故事講述女主角瑪莉塔‧溫特嘅弟弟被指控係連環兇案中嘅殺人魔，憤怒嘅倫敦市民要求速審速決將佢處決。瑪莉塔喺求助無門下，於是拜託名偵探蓋瑞‧歐柏幫忙搵出真兇。蓋瑞雖然答應幫忙，但要求瑪莉塔回報3次人情作為交易條件之外，更要對方一齊調查。瑪莉塔萬萬估唔到所謂一齊查案，原來係要求佢扮成賣弄風情嘅蕩婦，好讓佢從目擊者口中挖出更多嘅情報，為咗拯救弟弟，瑪莉塔惟有答應，期間佢被對方嘅外形及性格所迷倒，甚至一而再同對方發生親密關係，不過當佢發現蓋瑞嘅秘密後，卻開始懷疑佢究竟係咪真心幫佢查案？