褲襠降溫吹風機炎夏必備

即時涼浸浸

炎炎夏日，經常身處戶外工作嘅打工仔真係辛苦，有啲因為工作需要，仲要穿着恤衫西褲，真係熱到連底褲都濕埋o架！有見及此，日本有公司便推出專為着長褲工作男士而設嘅褲襠降溫吹風機。近期日本受熱浪侵襲，於是昭和商會喺早前舉辦嘅「第4回猛暑對策展」中，展示一款名為「Pants Cool」（ズボンクール）嘅吹風機，呢款外形特別嘅吹風機分為兩個部分，一個係儲電池，另一個則係連住一個長長出風管及裝有夾仔嘅吹風機，用法係先將吹風機夾喺褲頭，而出風管則插喺褲內，當開動吹風機嘅開關掣後，涼風便會直接吹入褲管，從而令褲管內溫度下降，即時感到涼快。呢個發明相當特別，難怪成為日本網絡嘅熱話，而據昭和商會嘅社長稱，佢之所以有咁嘅發明，目的除咗讓褲襠降溫，同時亦想幫助男士們兩粒蛋蛋降溫，皆因有研究指男士蛋蛋喺溫度愈低嘅情況下活動度愈好，相反則會令性能力大打折扣，佢直言最初諗住將吹風機取名「Tama Cool」（タマクール），當中「Tama」有睾丸嘅意思，不過被全公司員工反對，先至改成現時嘅名字。

魔鏡一號破處企劃

日本AV片廠SOD著名嘅移動炮房「魔鏡一號」，以貨車尾斗改裝成單向鏡炮房，然後開車駕駛到公眾地方進行AV拍攝，除咗受AV迷歡迎，更被男士們視為朝聖嘅聖地，可惜喺現實中想遇到「魔鏡一號」，卻係可遇不可求。日本以研究處男生態嘅節目《DT TV》（DTテレビ），早前就搵嚟3位處男親身視察呢個傳說中嘅聖地，並暗中進行名為「魔鏡一號DT處男喪失童貞」（マジックミラー号でDT筆おろし）嘅破處計劃。3位毫不知情嘅處男嚟到拍攝現場，見到「魔鏡一號」之後，反應都相當雀躍，而當佢哋入到鏡房，更發現房內不但有成約108平方呎咁大，而且鋪咗地氈，當中仲設有淋浴間及冷氣系統。呢個時候主持人要求其中兩名處男離開貨車，到車外嘗試跟車內嘅一位處男溝通，試吓單向鏡係咪真係具有隔絕外部視線嘅效果。攝製組同時安排AV女優小倉由菜潛入鏡房調戲處男，結果處男被女優嘅舉動嚇到縮埋一角，並向車外兩人求救，點知外面嘅人完全聽唔到冇反應，而由菜更表示即場肉搏一番，當堂嚇到處男不知所措，此時由菜就同處男講，剛才只係整蠱佢而已。事後處男表示頭先真係好驚，而另外兩位處男就話相當羨慕對方，可以同AV女優共處一室，雖然冇得啪啪啪，但係呢個體驗令佢哋好難忘！

偷食者7種異常行為

偷食男女總係希望自己嘅行為，可以得到充分嘅掩藏而唔會被另一半發現，然而佢哋以為掩飾得好好，又係咪無迹可尋呢？英國服務配對公司Bark.com搵嚟專業嘅私家偵探，睇吓偷食者有乜嘢行為異常嘅地方，而呢位偵探就總結咗偷食男女嘅7個異常行為出嚟嘞。第1，會變得好保護自己嘅手機、社交媒體同電郵，唔單止唔畀伴侶掂佢部手機，仲改埋社交媒體同電郵密碼，目的就係唔想畀對方發現同情人聯絡嘅資訊。第2，性慾突然改變，有人會變得性慾下降，亦有人變得異常大食，前者唔難理解，後者則係出於想補償對方嘅心理。

第3，變得溝通減少，避免談論未來的事情，亦少咗同對方講甜言蜜語，甚至極少分享日常生活。第4，突然注重外形，可能會突然改變造型，買大量新衫，或積極走去健身。第5，變得對家庭活動冇興趣，唔再同伴侶家人聯絡，亦唔同伴侶一齊出席對方嘅朋友圈活動。第6，變得相當有防備性，每當伴侶有指摘性問題時，佢都會將責任推卸畀其他人或對方。第7，變得冇晒妒忌心，因為佢已經有新對象，因此唔再介意伴侶有冇同其他異常有親密行為。

撰文：魂