初初同居嘅男女好多時都會遇到相處上嘅問題，其中一個就係生活習慣，只係估唔到原來一條小小嘅底褲，竟然都可以令同居女友感到不安。早前網上有位女網民表示，發現同居男友一條底褲可以着足幾日，佢曾經同男友反映過呢個衞生問題，點知男友話反正其他人唔知，所以覺得冇問題喎。女網民喺網上呻：「問題係我睇到吖嘛！尤其係佢鍾意着白色底褲，每次見到上面嘅污漬，都覺得好惡心，而佢又鍾意叫我吹奏，每次我都會諗起佢條底褲，你話叫我點投入呢？最難頂嘅係佢懶搞笑咁，笠住條底褲扮變態超人，真心頂佢唔順，請問有乜嘢辦法可以改變男友呢種惡心嘅習慣呀？」
Ann之理：
你男友咁變態o架！唔換底褲唔單止唔衞生，仲要笠住個頭，話時話，佢笠完之後有冇即刻同你咀嘴呢？諗起都真係幾難頂。你又試吓幾日唔洗底褲，然後笠喺佢個頭度，可能佢以後都唔敢再咁做。
絕無無用：
你咪真係用底褲笠佢呀！佢可能本身有種鍾意原味底褲癮，你咁做佢可能更High。想佢改變唔係唔得，方法係每次吼佢沖涼時，將底褲拎去洗，等佢只能夠着新嘅。
Rachel818：
呢種習慣唔改唔得，真係好惡心囉。我明o架，就算佢沖完涼，個心仲成日形住有陣異味。試吓拎支清新劑噴佢，等佢知道你真係好唔鍾意。
尋歡天氣站：
其實你係咪唔鍾意佢呀，所謂愛屋及烏，唔鍾意嘅話不如分手，免得搞咁多嘢最後都係要鬧交收場。
撰文：魂