遊戲書《女王之刃》系列，不但憑住超性感嘅女角色而喺日本成為話題，其後推出嘅漫畫及動畫，更係令唔少粉絲為之雀躍，連帶系列嘅模型亦長出長有，好似最新登場嘅武者巫女巴，就係嚟自呢個系列喺2010年8月推出嘅OVA《女王之刃 美麗的鬥士們》中嘅造型。話說回來，其實佢係該系列嘅元祖女角色，點解今次要以OVA版作為模型嘅原型呢？因為比初登場時嘅外形更纖瘦，睇起嚟自然更加吸引。至於今次模型嘅賣點，據模型廠稱佢有3種唔同嘅變裝，分別係水着、布帶及毛巾造型，論性感程度，當中以布帶造型最為吸引，事關三點僅用幾條布帶遮住，營造出若隱若現嘅效果，吸睛度相當高，最重要係佢背後完全露出，簡單嚟講即係成個美股任睇。若然仲嫌唔夠吸引嘅話，佢仲有一隱藏造型，就係全裸剝清光，三點讓大家一覽無遺，配合埋一副楚楚可憐嘅表情，有種挑戰男士原始慾望嘅感覺。