日本AV界有「人類最強Body」沖田杏梨，寫真界亦有「最強Body」染谷有香，不過前者已經從良，而後者近期則封咪鮮有性感演出，但係大家唔使灰心，因為我哋仲有「至寶級Body」MIYU！
日本寫真界近年有兩位巨乳妹人氣鼎沸，佢哋就係天木純同神谷惠里奈，兩人都係出身於女子組合仮面女子，而師妹美音咲月亦已投身拍攝水着寫真行列，用豐滿上圍夾出嘅乳溝更加被稱為「完美之谷間」添！雖然仮面女子人才輩出確係相當威水，但係另一個組合CHERRSEE亦唔弱，因為當中有一位出色女成員，佢就係MIYU！
MIYU今年8月生日先年滿20歲，認真係青春無敵，難怪俏麗可人嘅面孔上充滿陽光氣息，甜美嘅笑容更散發出濃濃嘅心靈治療效果，令人有如沐春風嘅感覺，而令男人精神為之一振嘅，當然係一副「至寶級Body」喇！阿妹身材中等，擁有飽滿上圍以及圓潤靚躉，一對F奶外形唔單止夠圓，仲白雪雪且彈力非凡，睇落有少少似人氣高企嘅新進寫真小天后和智南，一時之間有咁多大波靚女湧現，各位觀眾真係眼福不淺，鍾意睇巨乳嘅朋友更加幸福無比。
MIYU喺2013年出道，當年佢成為E-girls嘅分支團體Bunnies嘅成員，及後轉到另一分支團體Rabbits旗下，獲得良好嘅歌舞培訓，更獲選為E-girls嘅MV《Candy Smile》擔任其中一位伴舞女郎。後來表現出色又夠勤力嘅MIYU獲選加入女子組合CHERRSEE，終於唔使再做布景板之餘，仲可以隨團到南韓登台及接受藝能訓練。
長得亭亭玉立嘅MIYU上年終於作性感演出，脫去密實打扮換上性感水着示人，原因係為雜誌《Weekly Playboy》做封面女郎。由於MIYU樣靚身材正，呢次水着演出獲得極大回響，之後佢參加選美活動「YA Grahi姬」，成功奪得冠軍殊榮。對於MIYU嚟講，拍攝性感寫真屬於難以應付嘅工作，皆因佢性格怕醜，第一次拍水着寫真嘅時候緊張到透唔到氣又不知所措，結果畀攝影師同工作人員嘲笑。其實阿妹唔使驚喎，正所謂一次生兩次熟，拍多幾次就唔會咁緊張o架喇！
簡介：MIYU除咗會隨組合四圍登台演出外，亦積極以個人身份發展寫真事業，仲不時會進行網絡直播，如果想知道MIYU幾時搞直播並參與埋一份，可以Click上佢嘅個人社交網留意一下。
網址：https://twitter.com/ happymiyu0827/
年齡：19歲
身高：5呎2吋
三圍：34F-24-33
撰文：賢