日本遊戲開發商多年嚟製作過唔少人氣電玩，而當中嘅女角色更係令人印象深刻，好似嚟自《Dragon's Crown》嘅女巫（Sorceress）就係其中之一。喺遊戲中，佢憑住一對晃動超豪乳，配合埋巨臀同長腿而大受歡迎，唔少遊戲迷為咗細賞佢嘅乳搖魔力而特意選用。而以後大家唔使只有玩遊戲時才見到佢，皆因隨住喺今年2月推出嘅強化版《Dragon's Crown Pro》，佢再次被模型化，而今次更係以超還原嘅角度出發，大家可以慢慢欣賞佢一對超豪乳嘅魔力。作為以超還原為賣點，不論五官同身材比例，都係佢推出過咁多個模型中，屬於最好嘅一個，精緻嘅五官加上細緻嘅衣服及法杖紋理，可見原型師花咗唔少心思。而講到吸睛位，莫過於一對豪乳及修長美腿，極有分量嘅豪乳本嚟已經夠養眼，而心口兩個大肉球，更係有種呼之欲出嘅激盪感，加上對車頭燈咁啱壓住胸前嘅骷髏頭，令邪念即時飆升！