每年農曆七月七日是中國傳統節日又稱為七姐誕、乞巧節嘅七夕節，相傳呢一日牛郎同織女才可在鵲橋相會。而喺剛過去嘅七月七日就係日本嘅七夕節，呢一日牛郎同織女有冇相會就唔清楚，但係一班活力十足嘅AV女優就同眾多街坊聚會，齊齊慶祝七夕節！
日本AV業界咁多間集團，小弟一向都好鍾意SOD以及KMP，因為佢哋兩個單位成日都會搞大型活動，好讓廣大AV迷能夠一圓心願，與女優們見面同一齊玩樂。講到搞活動，KMP更可以話不遺餘力，每年都會搞兩次「Million學園祭」，出動旗下嘅專屬女優之外，仲會邀請多幾位自由身女優出席，有幸參與其中嘅AV迷認真令人羨慕又妒忌！早前七月七日係日本嘅七夕節，呢一日KMP搞咗個「Million町內會七夕祭」，今次一如以往咁邀請一大班AV女優出席，除咗有KMP可愛無比嘅當家花旦佐倉絆之外，仲請來AV天后波多野結衣、大槻響、阿部乃美久、南梨央奈、濱崎真緒、北川愛蜜莉、麻里梨夏、君戶步實同葵玲奈，換言之有成10位女優登場！而KMP專屬女優除咗有佐倉絆之外，年初招攬咗G奶美人兒沙月永遠，點解咁大型嘅活動會冇佢份呢？真係奇怪！
當日一眾女優都相當應節，換上清新又鮮艷嘅浴衣上陣，每人都按照日本人慶祝七夕節嘅傳統習俗，喺青綠竹枝上掛上願望紙條，亦喺活動開始之前，全場參加者喺佐倉絆帶領之下，一齊獻唱歌頌七夕節嘅歌曲《七夕大人》，令現場充滿祭典嘅興奮氣氛。講番今次活動，名叫「Million町內會七夕祭」，參加者主要都係住喺KMP公司附近嘅街坊，目的係希望宣揚打好鄰里關係嘅訊息，當然仲包括造福眾多街坊嘅一番善心啦！亦因為咁，KMP特別為是次活動搞咗份區報，搵來女優做模特兒影相，向街坊提供預防災害以及提防性犯罪等資訊，態度夠晒認真！
活動叫得做祭典，當然會見到好多常於夏祭出現嘅玩意啦，包括有水中撈波波，仲有極之考眼界嘅「射的」，即係玩家要用氣槍射跌目標獎品，從而將佢帶走！不過，今次KMP安排嘅「射的」遊戲就別出心裁，因為KMP集團拍AV之外，業務亦包括售賣情趣用品，故「射的」獎品有潤滑劑、震蛋同J杯等，睇見令人會心微笑！至於其他遊戲亦多不勝數，例如有迷你高爾夫球、迷你乒乓波、擲飛鏢、遙控車障礙賽等等，每項遊戲都讓女優同街坊玩到不亦樂乎兼打成一片！到活動尾段，女優們可能玩到㷫合合，齊齊脫去浴衣，露出內裏嘅比堅尼，仲擺出誘人姿勢畀大家盡情拍攝，場面熱鬧又吸引，點解我當日冇份參與呀！
撰文：賢