日本有唔少輕小說名作，其實亦有唔少出色嘅情色小說，可以讓大家感受一下有別西方情色小說嘅魅力，好似呢本由情色小說家井上美珠著作嘅《雙面經理寵愛攻勢》就係其中之一。雖然呢本作品係井上首本情色小說，但已經深得讀者喜愛，並且喺網絡書店售清。故事講述女主角市木由良有日醒番時，發現自己身處喺陌生房間之中，而瞓喺佢身邊嘅男人，竟然係佢暗戀咗好耐嘅型男上司一色青，令佢最措手不及嘅，兩人竟然係赤裸身體，驚訝無比嘅由良知道一切都係因為酒後亂性出事，而佢亦將呢件事當成係一夜情。佢之所以唔敢同對方發展長遠關係，皆因一色青不但擁有出色外貌同工作能力，嚴謹卻又溫和嘅性格，更係女同事夢寐以求嘅理想對象。作為對方嘅下屬兼暗戀者之一嘅由良，只好將呢份愛放喺心底，卻估唔到以為係一夜風流，對方卻對佢展開追求攻勢，不但用言語及行動上追求，更透過身體接觸嚟傳達對由良嘅愛同慾望。雖然呢一切對由良嚟講係美夢，但係佢唔知道呢段關係能否持久。