後宮式嘅男女關係，可以話係十八禁遊戲嘅王道，但係點樣令男主角擁有一眾美女後宮，就要睇遊戲開發商嘅創意。LimeCat最新推出嘅作品《Hatarakanai Honey-Life》，以拯救一班隱蔽美女為主題，而玩家以第一身扮演男主角，對佢哋進行心理同肉體上嘅調教。故事講述男主角係一位平凡嘅青年，每日過住平淡無比嘅生活。不過今年夏天，佢嘅生活唔再平靜，皆因面對社會上愈嚟愈多嘅隱青，於是政府決定推出「脫隱」支援工作，招請一班義工做輔導員，喺無償嘅情況下同一班隱青一齊生活同工作。男主角成為其中一位輔導員，而呢個消息被青梅竹馬日下部明日香嘅父母知道咗，願意付出工資作為報酬，希望男主角能幫助明日香「脫隱」。被老友父母拜託兼有錢收，最重要係男主角暗戀咗明日香好耐，當然即刻答應。與此同時，唔少美女嘅父母亦不約而同搵男主角幫手，結果一眾身材火辣嘅美女齊齊住喺男主角嘅屋企，雖然生活香艷無比，但係男主角最終能否改變一眾美女嘅隱青問題呢？