日本AV廠Ideapocket嘅專屬女優歷年來都不乏猛將，例如戀小夜、乃亞、麻生香月、Rio等等，到近期經過連番收購，陣容再度強盛，家陣就有天海翼、希崎謝茜嘉、桃乃木香奈、神咲詩織、今永紗奈、音市美音等，除咗佢哋之外，仲有一位被稱為「Ideapocket史上最可愛女優」嘅岬奈奈美。阿妹喺上年11月出道，樣貌標致又可愛，魅力堪比混血兒前輩Rio，不過身材方面就比Rio更加婀娜吸引，而且肌膚更加雪白幼滑，認真嗒得杯落，假以時日相信會登上天后寶座。
不過有消息指出，岬奈奈美早前幾乎想唔撈，連社交網都刪除咗，點解呢？據悉，岬奈奈美因為經理人公司抽佣太犀利，每次拍完AV所得嘅片酬都冇幾多剩番落袋，所以一度想唔撈，甚至有離開AV界嘅念頭，故一度失去音訊。好彩，最近岬奈奈美同公司就片酬問題傾掂數，仲開咗個新嘅Twitter帳戶同大家交流。其實，經理人公司應該要反省吓啦，賺錢係冇錯，但係AV女優所賺嘅都係皮肉錢，從佢哋身上牟取暴利又於心何忍呢！加上發掘有潛質嘅新人唔容易，再向佢哋勁抽佣嘅話，咁仲有邊個會入行呀！
撰文：賢