正所謂「機會留畀有準備嘅人」，對於男士嚟講，能夠同心儀女性上床嘅機會，真係錯過就冇，因此注重安全，又唔想白白錯失機會嘅男士，總會喺銀包內預備有一個套套，以把握難得嘅機會。不過呢個習慣對已經有女友或有家室嘅男士嚟講，就會惹嚟麻煩。話說早前網上有位女網民稱，佢發現男友銀包內藏有一個套套，令佢懷疑男友偷食。佢表示：「男友一直唔畀我掂佢個銀包，有次食飯趁佢去咗洗手間，就拎咗佢擺喺枱面個銀包嚟睇，本來想睇吓佢係咪收埋啲女仔相，點知發現銀包內竟然有個安全套，而個牌子唔係我哋用開嗰個！佢返嚟，我梗係唔出聲，只係借機Chok佢對男人喺銀包藏套套有乜睇法，點知佢即刻鬧爆我，點解拎佢銀包睇，你哋話佢係咪有蠱惑先？」係囉，係咪有蠱惑呢？
FLYLin：小姐，拎人哋嘅嘢嚟睇，係人都嬲，畀着你話明唔想畀人睇嘅嘢，人哋又拎咗去睇，你咪一樣嬲。佢擺得喺枱面即係信得過你，同樣信得過佢自己，難怪佢會嬲喎！
秋樣：梗係有蠱惑啦！收埋個套喺銀包，擺明係想有機會嘅話就可以偷食，兼且可以即食！呢啲男人咁下流，絕對要唔過。
Nida Erin：我覺得你嘅反應大咗啲囉！我啲fd個個去完日本旅行，都會買套當手信。大佬，一人分得一個咋，用又唔係掉又嘥，擺喺銀包又有幾出奇？反而你直接問佢，好過懶醒咁旁敲側擊，你真係低手咗啲囉！
上心乙目：放得銀包嘅用意，當然係想貼身攜帶，而咁做嘅目的好簡單，方便幾時啪啪啪都得。不過你又唔使咁緊張，可能佢準備定想同你用呢？
撰文：魂