用科學探究性愛真理嘅著作有唔少，不過呢啲著作好多時唔係太過科學，令內容變得沉悶，就係偽科學而不足取信。如果想科普同娛樂兼備嘅話，呢本被美國喻為奇書，由著名成人小說兼科普作家瑪莉‧羅曲所著嘅《一起搞吧！科學與性的奇異交配》，絕對值得一睇。呢本書講述一啲大家既好奇，卻又唔敢講出口嘅性愛問題，例如可唔可以單憑意志力，就能夠達到性高潮？男女自娛雖然過癮，但係對身體健康有正面定負面嘅影響？坊間傳言性高潮會增加受孕機會率嘅講法又係咪真嘅呢？壯陽藥物對男士兵器硬直嘅作用大唔大？以上呢啲問題，都會以科學嘅角度為大家一一解答。除咗學術性嘅問題外，亦會進行一啲實驗，例如為咗證實陰蒂同陰道嘅距離同性高潮有關係，於是瑪莉‧羅曲坐喺床上用捲尺自我測量；為咗用立體動態超音波記錄啪啪啪嘅過程，佢專登拉埋丈夫去倫敦進行實驗，加上幽默嘅文字，為大家帶嚟與別不同嘅性愛科普體驗。