看護師 施展制服誘惑

看護師喺日本嘅成人文化中,一直都佔有一個相當重要嘅地位,事關對日本男士嚟講,作為制服行業之一嘅佢,經常成為各類成人娛樂嘅題材,同時亦係相當受歡迎嘅元素,今次就同大家發掘一下佢喺日本成人文化中嘅蹤迹喇!

視覺療愈寫真

看護師溫柔體貼嘅態度,對男士嚟講真係好有療愈感,只係對於好色之徒嚟講咁樣仲未夠,皆因一定要身材火辣至得,好似呢本被日本網民稱為極具視覺療愈作用嘅寫真集《男之妄想 內心還是身體都想讓巨乳看護治癒》(男の妄想 巨乳ナースに心もカラダも愈やされたい)咁,就可以滿足到佢哋嘅需要。雖然書名勁長,但卻赤裸裸地講出呢本書嘅賣點,就係點樣透過波濤「胸」湧嘅AV女優,以制服誘惑嚟滿足大家嘅眼睛。要做到呢種「胸」湧澎湃嘅制服誘惑效果,當然要搵擁有迷人「胸」器嘅AV女優嚟演繹,於是搵嚟上圍數字達37F嘅阿野亞瑠琉、37G嘅藤浦惠同35H嘅初音實等呢三位豪乳級嘅AV女優坐鎮,佢哋喺寫真中擺出唔同嘅誘人甫士,從而將制服誘惑提升至極限。

色慾大爆發

如果覺得單純嘅看護師主題寫真集係就係好睇,但係唔夠深度嘅話,呢本由寫真女優殿倉惠未演出嘅寫真集《看護師的情事》,相信可以畀到大家更大嘅想像空間,事關殿倉惠未喺寫真中會化身成一位迷人嘅看護師,外表斯文,卻潛藏一顆好色嘅心,面對平淡嘅工作,有日呢顆色心終於爆發出嚟,透過特殊制服展現自己色慾嘅一面。為咗營造逼真效果,攝影師特意搭咗個極度逼真嘅環境,好讓大家睇得更加投入。事實上,殿倉未惠嘅來頭一啲都唔細,喺1989年7月22日於日本大阪出生嘅佢,早喺19歲時便已投身寫真界,後來因為壓力問題,大學畢業後暫別一段日子,及至2014年再戰寫真界。雖然佢離開寫真界有一段時間,但仍無礙佢嘅發展,最重要嘅原因唔單止在於佢嘅美貌,更在於佢一對36G嘅「胸」器!

心思手作個室

齋睇寫真嘅話,總係有人覺得會唔OK或冇佢分,事實上看護師嘅制服誘惑,確實深入日本成人娛樂各個層面,當中尤以風俗店更有唔少主打看護師嘅主題,而講到當中喺日本玩家心目中最具人氣嘅,便要數呢間位於大阪嘅手作個室風俗店「我的溫柔看護婦小姐」(僕の優しい看護婦さん)。呢間風俗店能夠獲得如此高人氣,當然有佢嘅原因,除咗因為風俗孃嘅質素夠高外,最重要係睇到風俗店嘅心思,原來風俗店為咗令玩家猶如置身於看護師工作環境嘅感覺,特意將每間房裝修到好似診所一樣,從辦公枱、衣櫃到病床等,都係參考現實中嘅診所設計,就連風俗孃嘅制服亦同現實中嘅相似。據該店介紹,佢哋之所以重本裝修,係希望令玩家好似去咗診療所咁,自然提升玩樂感。

知識超專業

有看護師主題風俗店,憑住逼真嘅裝修同制服,成功喺近年冒起,但係要數歷史悠久,而風俗孃又有內涵嘅話,就係呢間店名勁長,位於涉谷嘅風俗店「我家的看護師如果說能做的話……」(うちの看護師にできることと言ったら…)。早喺2010年開業嘅佢,至今已有8年,而呢個年分喺涉谷風俗界嚟講,確實係一間老店。佢能夠喺競爭激烈嘅風俗地區屹立多年,當然有佢嘅賣點,優質嘅風俗孃當然係最重要嘅一環,不過大家唔好以為佢單憑樣靚身材正嘅風俗孃而長期獲得玩家支持,原來呢間風俗店為咗可以畀到玩家極具真實感嘅體驗,唔單止要求風俗孃以看護師制服上陣,仲要求每位風俗孃進修關於護理嘅專業知識。不過大家又唔使諗得太多,風俗店只係讓風俗孃記住一啲專業術語,同埋一啲基本嘅診療技巧而已,務求可以令逼真感大大提高。從某個角度嚟睇,佢哋係咪好專業同好有內涵先?

別具意義

雖然日本成人文化對看護師邪念十足,但「看護之日」(看護の日)嘅出現卻係一啲邪味都冇,事關呢個早喺1991年制訂嘅紀念日,目的係為咗讓日本民眾認識看護師呢個行業之餘,每年亦會趁住呢日進行推廣,除咗舉辦座談會、講座同展覽外,仲有各類體驗活動,希望能夠令看護師嘅服務精神普及起嚟。話說回來,點解會將「看護之日」定喺每年嘅5月12日呢?原來呢日正係「克里米亞的天使」弗羅倫斯‧南丁格爾(Florence Nightingale)嘅生日,真係別具意義。講番日本嘅成人文化,先唔講日本AV中有唔少以看護師為題材嘅作品,而根據多年嚟關於日本男士心目中最愛嘅制服誘惑,看護師制服必定名列10大,所以喺日本嘅成人娛樂中唔難搵到佢哋嘅蹤影。

撰文:魂