男士總係零舍多幻想，尤其係鍾意玩十八禁電玩嘅男士，更係希望能夠喺充滿幻想嘅題材中，搵到喺現實世界中難以實現嘅戀愛同色氣兼備嘅愛情故事。如果鍾意呢類題材嘅話，由日本成人遊戲開發商Hearts推出嘅新作《戀愛的心和魔法的語句》，相信可以滿足要求。睇到遊戲嘅人物設計同角色，就知道佢主打萌系角色加戀愛元素，加上香艷嘅情慾場面，夠晒浪漫。
故事講述男主角春時育實係朝乃葉學園嘅2年級生，有日佢約咗青梅竹馬一片風禰溫習，但係對方竟然失約，於是佢直接走去對方經常流連嘅庭園部，點知一入到庭園部嘅部室，卻意外地觸發房內一個神秘嘅魔法陣，並召喚出女精靈春遙，呢個時候風禰亦現身，並解釋所謂庭園部只係掩飾，實際上卻係由學園內嘅魔女所組成嘅秘密社團活動室，由於育實發現咗佢哋嘅秘密，於是被迫成為社員。原來育實身上有個秘密，就係佢先天同精靈有極高嘅親和力，平時亦會見到精靈出現喺佢嘅身邊，就係咁樣，佢同一班魔女開始與別不同嘅愛情色氣兼備嘅生活。
開發商：Hearts
售價：￥9,800（約HK$725）
發售日期：2018年5月25日
撰文：魂