你依家係咪當我透明呀！老實講，每當發現街上嘅性感美人兒比自己身邊嘅女友更為吸引，係男人都會喺呢一刻忘記女友嘅存在，當女友透明人一樣，將焦點集中到惹火尤物身上啦！不過，透明感十足都唔係壞事，好似寫真界新貴日比美思就被喻為透明女神喇！
阿根廷球星美斯可以話係當代球王，雖然佢人仔細細，但係腳法一流，周不時都可以見到佢喺球場上施展華麗腳法以及一個扭幾個嘅精彩表演，不得不讚一句：好波！而近期喺日本寫真界成為話題新人嘅日比美思一樣係咁好波！
現年19歲嘅日比美思氣質脫俗而樸實，雖然唔算係艷壓群芳嘅大美人，但係純潔且甜美嘅感覺，令人想起初戀情人。而日比美思呢位初戀情人嘅身材非常驕人，高身5呎7吋，有八頭身美人嘅稱號，腰幼腿長之餘，仲擁有一對純天然嘅飽滿F奶，但咁都未算誘人，阿妹全身肌膚雪白剔透，仲要係白裏透紅，睇落更加吸引，簡直係人間極品。
正因為日比美思嘅皮膚白雪雪，樣子甜美可人，做女朋友最適合不過，所以有人形容佢為「過分雪白之戀人」。除此之外，日比美思加入寫真界，以優秀優條件成功突圍之後，獲得好多正面評價，例如「擁有壓倒性之存在感」、「透明感十足之女神」、「寫真界之終極兵器」，以及「藝能界最高之Body」等等。
其實日比美思好早就踏足藝能界，喺2009年亦即係佢10歲嘅時候，成為妹妹仔團體「Dream 5」嘅成員，而團體所唱嘅動畫《妖怪手錶》片尾曲《戒律體操第一》可謂風靡一時，更曾經隨團演出過2014年嘅《紅白歌唱大賽》添！之後長得亭亭玉立，日比美思演出過好多日劇，包括《我正在認真地航行》、《名古屋行き最終列車》等，不過真正令阿妹人氣極速上升，當然係上年拍攝水着寫真，將自己副極品胴體展露於大家眼前啦！
簡介：同好多後生女一樣，日比美思嘅Twitter多數都係同大家分享生活點滴，而近期全心向寫真界進軍嘅佢，亦會將拍攝花絮連同性感寫真上載，讓粉絲大飽眼福。
網址：https://twitter.com/mikoto-hibi
年齡：19歲
身高：5呎7吋
三圍：34F-23-34
撰文：賢