婚禮係神聖而又莊嚴嘅儀式，只係對於心邪嘅男女嚟講，總係有無限嘅幻想，例如幻想班兄弟姊妹個個都係型男索女，繼而有進一步嘅行動等。而喺情慾字典中，關於Wedding同婚禮嘅人同事都有唔少，唔知又能唔能夠牽動大家嘅遐想呢？
以前我哋會稱婚禮完成嗰一晚做洞房花燭夜，咁大家又知唔知英文係點講呢？就係「Wedding Night」喇！至於喺嗰晚啪啪啪嘅話，英文又應該點講呢？答案好簡單，就係「Wedding Night Sex」。而要完成洞房，有樣「工具」唔少得，就係「Wedding Tackle」或「Wedding Kit」 ，究竟係乜嘢嚟呢？其實係暗指男士嘅兵器，咁又啱喎，如果冇呢支兵器，又點樣完成洞房呢！另外，英國有個內衣品牌進行調查，睇吓有幾多對夫婦會喺完成婚禮嗰晚洞房，一共訪問咗1,000對夫婦，結果發現有多達百分之五十二嘅受訪者稱當晚冇洞房，而當中有接近百分之九十嘅女性表示，佢哋為咗呢晚特別準備咗一套性感內衣，可惜冇機會畀老公欣賞，認真係嘥心機。至於未能完事嘅原因，不外乎太攰、飲醉咗同埋為跟住落嚟嘅蜜月之旅而煩惱中。
相信唔少單身男士參加婚禮，其中一個原因就係想認識到新娘嗰邊嘅靚女親戚或朋友，若然更激嘅話，最好嚟番一次「Wedding Sex」添！所謂「Wedding Sex」，係指喺婚禮上男女見到合眼緣嘅異性，然後喺婚禮途中或之後，同對方食個「快餐」。呢種好似電影嘅橋段，現實中有冇人試過就真係唔知，只知道美國有位叫做Philip Frank Panzica嘅男士，於2016年同未婚妻到拉斯維加斯結婚，點知佢誤以為未婚妻同其他人有染，結果喺結婚當日同對方鬧交，跟住佢同另一名女子走咗去搭Higher Roller摩天輪，期間兩人喺摩天輪上啪啪啪起嚟，結果管理員報警將兩人逮捕，最估唔到嘅係未婚妻以3,000美元保釋Philip出嚟，呢單嘢都算係奇聞呀！
喺婚禮當日發生乜嘢事，令人印象最深刻呢？雖然每個人嘅答案都唔同，但若然發生喺四仔作品嘅話，答案只得一個，就係啪啪啪。不過由美國著名片廠New Sensations Romance喺2010年3月推出嘅作品《The Wedding Day》卻話畀大家知，唔單止有激烈嘅啪啪啪場面，仲有劇情添。由導演Lee Roy Myers執導，搵嚟天后級脫星Ashlynn Brooke擔綱演出，故事講述喺婚禮當中，一場三角關係點樣透過肉慾嚟解開困境。Ashlynn飾演Sabrina，本來同未婚夫Jake結婚，點知遇上前男友Robert嚟表白，令Sabrina陷入情慾與理智之間嘅抉擇。憑住浪漫嘅題材，加上Ashlynn精彩嘅演出，喺2011年嘅AVN頒獎禮獲得最佳四仔系列獎。提到Ashlynn Brooke，稱佢為天后級脫星一啲都唔過分，事關佢喺2006年投身四仔界後，憑住美艷嘅外形而獲得四仔迷嘅歡心，翌年更獲Adultcon頒發最佳脫星，之後喺多個四仔頒獎禮獲多項提名，成績超卓。
那些年結婚嘅人氣AV女優，除咗倉井空之外，仲有及川奈央，佢被喻為日本AV界最具代表性AV女優之一，喺2016年12月於Twitter上發表結婚宣言，35歲嘅佢同大佢6年嘅上班族男友結婚，佢透露同對方相識多年，相處感覺良好，所以決定同對方拉埋天窗。結婚消息一出，即時獲得日本網民嘅祝福，事關及川奈央唔單止係一位人氣AV女優，更係罕有地成功洗底轉型做藝人。喺1981年4月21日於日本廣島市出生嘅奈央，2000年春天於東京街頭被AV星探發掘，然後以宇宙企畫專屬女優身份出道，同年9月推出處女作《蜜蜂的惡戲》，憑住迷人嘅樣貌及火辣嘅身材，加上努力宣傳下，奈央一脫成名，2003年加盟AV片廠KMP，人氣更係到達頂峰。同年下半年，奈央轉攻藝能界，2004年底宣布無限期休息，從此絕迹AV界，轉型後先後演出《龍馬傳》、《炎神戰隊轟音者》等多套影視作品。
撰文：魂