若然要數最具人氣嘅格鬥遊戲，《Street Fighter》系列必然榜上有名，自從1987年推出以嚟，至今已經有31年，而講到當中人氣同性感兼備嘅女奸角，喺《Street Fighter IV》中登場嘅韓蛛俐絕對係其中之一。嚟自韓國嘅韓蛛俐邪惡嘅樣貌令人一見難忘，其超性感嘅造型更係睇到人流晒口水，尤其係肚兜戰衣，不但露肉度極高，一對激凸雙子峰可謂呼之欲出，而呢個特點喺「街頭霸王美少女」模型系列中，絕對能夠忠實地呈現。
呢個高達約245mm嘅模型，唔單止夠晒大，而且超還原原著中韓蛛俐嘅神髓，邪惡嘅表情相當逼真，而佢挑釁對手嘅動作亦做得相當自然。不過講到模型嘅焦點，當然係一對露出度極高嘅美乳，做得相當有質感，令一對美乳更具激凸嘅感覺。從後面睇嘅話，會發現一隻大蜘蛛，做工相當精緻，仲有渾圓嘅美股同結實嘅大腿，令人有心跳加速嘅感覺。作為「街頭霸王美少女」系列繼春麗同嘉米，韓蛛俐係第3個登場嘅女角色，亦係系列中首位被模型化嘅女奸角，絕對值得收藏。
撰文：魂