雖然日本寫真女郎都以賣弄身材為主，但係佢哋鮮會染髮，事關大家總覺得染髮妹形象唔夠健康同正派，之不過當中總有例外，例如係最上MOGA。阿妹喺2011年加入藝能團體「電波組.inc」，由於佢個樣生得標致可愛，活潑得嚟又有型，所以受歡迎程度與日俱增，而一頭金髮亦成為其標記，又因為佢經常喺社交網上發表好多見解獨到嘅言論，令追隨者數量超過60萬，好多女網民都給予佢正面評價。
上年MOGA脫離團體作單飛發展，除咗繼續成為時尚雜誌模特兒外，亦逐步加強喺寫真界嘅發展步伐，最近就推出全新個人寫真集《MOGAMI》。阿妹特別去到摩洛哥取景拍攝，將當地集歐洲、中東、非洲文化交融嘅獨有特色帶畀大家睇，而MOGA身材極佳，當然唔會忘記將雪白嘅胴體以及頂級美巨乳展露畀大家欣賞啦！MOGA表示喺拍攝過程當中曾經感到不適，惟有好努力咁以堅強嘅意志克服過嚟，所以大家可以從寫真集當中見到MOGA有笑有淚，阿妹話希望咁樣可以令大家更了解其內心世界。
書名：《MOGAMI》
售價：約HK$175
撰文：賢