有位唔上最羞家?

「執輸行頭慘過敗家」被喻為香港核心價值,而踏入2018年應該係「有位唔上最羞家」呀!點解?打工仔上位,點都要講吓道德,玩吓手段,但今日不論前輩後輩,有人氣唔食盡佢,有料唔爆盡佢,肯肯定被人笑你戇居囉,你睇吓Stormy Daniels,唔理早前四仔頒獎禮邊個捧走大獎,都搶唔到Stormy姐丁點風頭,梗係啦,國際傳媒日夜喪爆佢同「老特」單緋聞,加上女方把口唔收,今日講啲,聽日又講啲,精彩過睇美劇,唔好理佢講嘅嘢係真定假,都夠滿足晒班花生友啦,所以網友話Stormy Daniels早已將道德掟埋一邊係無錯嘅!咁又唔怪得晒Stormy Daniels喎,講到底佢喺四仔界撈咗十幾年,毫無道德嘅題材佢都拍過晒,依家你同佢講道德,唔好意思,Stormy Daniels好明顯係要食住個勢上位,喺頒獎禮活動期間接受成人傳媒訪問,順勢自爆將結束同娘家Wicked Pictures嘅15年合作關係,過檔Digital Playground執導演筒開條新Line拍四仔,難怪佢喺各大頒獎禮有多個提名,即使空手而回都笑騎騎啦!

撰文:祖