喺日本AV界一場重要嘅選戰已經展開，呢個就係「DMM成人大獎2018」喇！經過大會嚴格挑選之後，最優秀女優獎嘅入圍名單已經出爐，當中嘅女優們仲進行各種拉票工程添！
喺今個3月各位觀眾都幾忙碌，除咗有影壇盛事奧斯卡頒獎禮之外，亦有日本AV界「奧斯卡」Sky PerfecTV成人放送大賞2018上演，相信眾多AV迷已經投下神聖一票，以支持自己嘅心水女神喇！不過大家嘅投票動作千祈唔好停喎，因為仲有一班女優等緊你寶貴嘅一票，事關作為AV界三大頒獎典禮之一嘅「DMM成人大獎2018」已經正式開始，最優秀女優獎以及最優秀新人女優獎名單都準備好晒，將於3月中旬接受大家投票，方式係每人有2票，一票投最優秀女優獎，另一票則投最優秀新人獎，事前大家先要上AV銷售網DMM登記做會員以及購買DMM嘅網上購物點數。大家未必會為咗投票而破費，咁就不如同小弟一樣食吓花生算數啦！今日就同大家一齊睇吓今屆最優秀女優獎嘅入圍名單，同時睇吓佢哋點拉票啦！
熱門指數：3★（5粒星最高）
拉票動向：戶田真琴貴為SOD寵兒，喺過去一年除咗獲公司大力支持拍下唔少重量級AV作品，亦成功集資推出寫真集以及積極進軍粉紅電影界。真琴得知入圍之後，喺社交網發表三千字嘅心底話，透露加入AV界後嘅心路歷程，仲話自己好似迷途小羔羊一樣迷失，但得到大家嘅支持令佢覺得唔再孤單云云。
熱門指數：2★
拉票動向：希崎謝茜嘉前年由Ideapocket轉投到S1旗下，但係S1人才濟濟，搞到實力強勁嘅謝茜嘉亦鋒芒被蓋，於是轉到Moodyz，最後又返到去舊東家I廠再戰江湖。由於上年冇乜突破性演出，故其奪標指數都係偏低，可能佢自己都有同感，所以冇乜拉票動作，只喺社交網表示獲得入圍感到驚訝同高興。
熱門指數：3★
拉票動向：可愛又淫蕩嘅麻里梨夏係新一代小惡魔系掌門人，拍咗好多小惡魔系作品，令大家可以喺癡女作品充斥下搵到一股清泉，不過梨夏冇大廠做後台，所以冇乜人睇好！雖然係咁，麻里梨夏近期總算得到唔少傳媒搵佢做訪問，早前梨夏就借一次出席AV資訊網站R18.com訪問嘅機會嚟向觀眾拉票喇！
熱門指數：4★
拉票動向：椎名空上年認真夠晒勤力，平均每個月都有6、7部AV上演，而且男女通殺，戲路相當多元化，個人認為椎名空絕對係今屆大熱門之選。空妹已經係連續3年獲得提名，希望今次可以成功奪得冠軍，為咗達到目的，空妹特別請來「椎名空應援團」四出拉票，睇嚟今次阿妹真係志在必得呀！
熱門指數：2★
拉票動向：G奶Cosplayer園田美櫻憑住一副綺麗面孔以及G Cup身材成為好多AV迷心中嘅女神，上年拍咗唔少令大家損耗大量子子孫孫嘅精彩作品。然而，美櫻對於獲得提名只係表示感到高興，拉票動向可以話冇！從其社交網睇，美櫻繼續風騷扮靚靚，以及專注出席攝影會同其他周邊產品搵錢，似乎對於得獎冇乜期望。
熱門指數：5★
拉票動向：上年高橋聖子推出嘅作品叫好叫座，更演出日劇《特命系長 只野仁》，前途一片光明，個人認為聖子絕對係最優秀女優獎嘅大熱門！過往聖子對於選舉比賽一向保持低調，但係今次就唔同晒，罕有咁印製咗一批拉票用嘅卡片準備四圍派，相信係佢覺得入圍嘅對手都分量十足，所以特別認真起嚟。
熱門指數：2★
拉票動向：橋本有菜又靚女又高挑，相信好多AV迷都當正佢係女神，不過喺過去一年有菜表現一般，冇乜大躍升，得獎認真唔容易喇！可能就係知道自己奪獎機會甚低，有菜早前去到箱根九頭龍神社求神庇佑，喺許願牌上寫住希望得獎添，但係我都係覺得除非真係有神迹出現，否則阿妹都係食白果居多喇。
熱門指數：3★
拉票動向：羽咲美晴可愛又好波，喺AV演出當中又表現得非常落力，睇過其作品嘅AV迷都大加讚揚。之不過，美晴如果想奪得最優秀女優獎就似乎難少少，因為美晴冇驚喜帶畀大家。而美晴亦冇大動作拉票，只喺社交網表示上屆難得奪得優秀新人獎，希望今屆再下一城，能夠再次成功奪獎，小弟惟有祝阿妹好運喇！
熱門指數：1★
拉票動向：桐谷茉莉呢位籃球界美少女夠高挑又有一對極品H奶，身材正到不得了。上年佢嘅表現夠落力，仲挑戰咗好多難搞嘅拘束場面，之但係欠缺個人特色，相信得獎機會唔高。而茉莉知道自己獲提名後，反而掛住宣傳自己東家最近搞嘅「SOD大獎2018」，相信DMM成人大獎嘅評審知道的話一定會唔高興囉！
熱門指數：4★
拉票動向：安部未華子係近年人氣相當高嘅微乳系女優，名氣之強更吸引到韓國傳媒遠赴日本追訪，而未華子雖然冇波，但係每次演出都豁盡全力，值得大家支持！為咗今次能夠喺DMM成人大獎揚威，未華子除咗喺YouTube頻道上載片段鼓勵大家投票支持自己，仲親自設計各式各樣嘅宣傳海報拉票，熱誠攞滿分！
撰文：賢