如果有睇開外國情慾小說嘅話，一定會聽過美國女情慾小說家琳達‧霍華嘅名字。作為「美國羅曼史作家協會」嘅創會成員，佢不但有眾多人氣著作，2005年更獲頒終身成就獎，而喺呢本情慾小說《孤狼任務》中，更展現佢將浪漫愛情及火辣情慾糅合於一身嘅功力。
故事講述28歲嘅天才女主角卡洛琳，參與高度機密嘅戰機研發工作，雖然佢喺事業上有出色成就，但愛情上卻係一片空白。直到有日佢遇到一位用「迷人」嚟稱呼佢嘅男人時，愛情終於敲響佢嘅心門。戰機機師喬伊‧麥肯錫係一位愛情老手，輕易睇穿冷傲嘅卡洛琳內心嘅空虛，更向其他機師宣稱卡洛琳係屬於佢，愛情新手嘅卡洛琳好快被對方征服。隨住相處時間愈長，喬伊懷疑卡洛琳係間諜，事後卻發現並非如此，但係卡洛琳早已心碎，究竟喬伊最後點樣將呢段感情挽回呢？
書名：《孤狼任務》
售價：約HK$73
撰文：魂