有個人客，外表似生意人，上去一間架步觀光，對大班自認初到貴境，唔知規矩，大班曰：「我哋冇乜特別規矩，一陣我介紹位小姐來，你喜歡，同佢埋個大鐘入房，你可以單對單慢慢傾掂佢，如果你唔喜歡，可以對小姐講，要再揀另一位小姐，我就再帶另一個來，睇到你合眼緣為止。」
人客曰：「十分公道，麻煩你帶來可也。」
大班帶一個小姐來，幾靚女，人客受落，叫埋一個大鐘，付款後，小姐曰：「跟我來。」
入到房，女曰：「不如沖涼先？」
人客望吓沖涼嘅設備，搖頭曰：「唔沖了。」
女解衣後上床，笑曰：「點解你唔除衫，抖吓啦，批評吓我嘅身材夠唔夠標準？」
人客曰：「夠標準到極，又靚女又有前有後。」
女曰：「多謝你，咁想唔想同我交歡？」
人客曰：「點會唔想，對住靚女而不動心，點算係男人嚟呢？」
女為人客解衣，服侍周到之極，人客此時已經舉旗致敬，想話挺槍上陣，建立男兒功業，女曰：「咪住，我有規矩，要收錢先！」
人客皺眉，只見緩緩腳軟，十足好似收兵以後一樣。
女曰：「點解會咁？」
人客曰：「或者我唔慣，窒一窒就搞成咁。」穿番衫褲，從袋中取出一疊銀紙，大牛多過紅底，畀張一百元曰：「係咁意畀你買嘢食。」
女十分後悔，原來呢個人客大疊水到不得了，唔交易都有一張紅底，如果有交易，實係拉牛者也，因為任佢開價，收到足，都未敢開價一百，於是補救曰：「我有能力令你起死回生，唔好咁快走。」
人客曰：「第日來過，今日已經興盡。」
夏灣拿
一九七六年四月十日