日本有好多女歌手都身材一流，好似倖田來未、藤田惠名等等，佢哋樣靚聲靚身材又正，真係集合晒迷死男人嘅條件於一身！除咗女歌手之外，唔少聲優一樣充滿吸引力，小宮有紗就係其中一位喇。24歲嘅小宮有紗喺2010年出道拍寫真以及擔任模特兒，2012年獲賞識擔任特攝片集《特命戰隊Go Busters！》嘅女主角宇佐見陽子一角，人氣隨即火速躍升！之後，有紗因為聲音悅耳動人，獲邀為動漫配音，知名嘅聲演作品有《LoveLive！Sunshine！》動畫系列。
相對於有紗把靚聲，作為男人嚟講應該會比較注目阿妹嘅身材，咁大家就要留意有紗嘅最新個人寫真集《Majestic》喇！當中有紗會游走於冷與熱之間，去到北海道只有攝氏零下7度嘅室外換上鮮紅色性感打扮凸顯自己熱情如火，轉個頭又會去到氣溫達攝氏30幾度嘅越南取景拍攝，以滿身是汗嘅濡濕形象展露深情一面，同時展露小巧而凹凸有致嘅曼妙鮮嫩胴體。
書名：《Majestic》
售價：約HK$193
撰文：賢