鮮花向來係男士嘅最愛，所謂鮮花唔係講緊要淋水嘅花，而係指迷人嘅索女。不過對於要求高嘅男士嚟講，若然索女加上火辣身材嘅話，更係花中女神！好似南韓人氣車模李花梨咁，唔單止擁有甜美嘅樣貌，仲擁有激凸上圍，令人相當醒神！
南韓車模界嘅競爭相當激烈，事關當中要青春有青春系嘅模特兒，要熟女味亦有唔少美艷熟女系車模，想喺當中突圍而出，確實要有相當嘅優勢，先至可以令大家對佢留下深刻印象。而李花梨能夠喺芸芸車模之中跑出，究竟佢憑住乜嘢優勢呢？甜美嘅樣貌固然係佢吸引人注目嘅原因，而佢火爆嘅上圍更係相當吸睛。不過原來呢位外形出眾嘅車模界女神，最初並未諗過會從事車模工作，當年就讀東明大學視覺設計系嘅佢，夢想成為動畫設計師，而佢亦好畀心機去設計及製作動畫，正當大家都以為佢未來會朝住動畫師方向發展時，喺一次偶然機會佢客串做動畫產品嘅推廣模特兒，竟然被模特兒公司睇中，游說佢兼職做車模，李花梨起初抱住不妨一試嘅態度去做，卻估唔到漸漸鍾意咗車模工作，不過當時佢並未諗得咁長遠，只係覺得車模工作時間有彈性，同時可以增加收入，作為未來進修之用。隨住佢愈做愈有興趣，加上身邊朋友嘅鼓勵下，2014年佢正式投身職業車模界。
轉做職業模特兒後，李花梨嘅發展一日千里，喺各大車展都會見到佢嘅身影，及後佢又以賽車女郎身份喺亞洲勒芒系列賽南韓站上演出，不過佢最為突破嘅發展，就係擔任南韓立力錦標賽嘅賽車隊伍專屬賽車女郎，甫出道就已經獲得如此多演出機會，足以證明佢嘅魅力有幾咁非凡。不過，佢並唔滿足呢份成績，於是參加第3屆南韓車模大賽，希望可以提升更高人氣，結果佢奪得最佳新進車模獎。跟住佢又參加喺釜山舉辦嘅蔚山小姐選拔賽，結果再下一城，奪得最受觀眾歡迎獎。李花梨表示參加咗咁多個比賽，仲要獲得亮眼嘅成績，對於佢嚟講已經足夠。隨住佢頻頻喺各個大型車展同賽事上登場，人氣急速飆升，2015年佢參加第4屆南韓車模大獎賽，而積累咗咁多演出經驗，同時獲得極高人氣，喺呢次大獎賽中獲得最佳年度賽車女郎獎，從此登上南韓車模界嘅頂峰。
簡介： 名副其實擁有天使面孔、魔鬼身材嘅李花梨，不但喺南韓擁有眾多粉絲，喺外國亦有唔少支持者。出眾嘅外形固然係佢最大嘅優勢，而溫柔兼純情嘅氣質，同樣係佢迷倒眾人嘅地方。對於未來嘅發展，睇嚟佢仍然有相當大嘅發展空間。如果大家想了解佢多啲，就要Click入呢個網站。
網址：http://cafe.daum.net/leehwari
出生地：首爾
身高：170cm
三圍：36、24、35
撰文：魂