近年有唔少成人漫畫月刊嘅封面女郎被模型化，除咗因為佢哋個樣夠索，同埋身材夠火辣之外，更因為佢哋係成人漫畫家同插畫師嘅心血之作，極具觀賞性。好似呢個嚟自日本插畫師黑田和也手筆嘅成漫月刊封面女郎澄川緒咁，充滿誘人美態，今次仲推出模型添！澄川緒係美少女成漫月刊《BugBug》2016年9月號嘅封面女郎，插畫師黑田和也早喺1998年開始，便為呢本成漫月刊畫封面，只係筆下嘅女郎被模型化卻係首次。澄川緒嘅賣點唔單止在於佢嘅美貌，胸前一對超激凸豪乳更係相當誘人。由於澄川緒被設定為一位體操美少女關係，故此模型嘅肢體動作上下過唔少工夫，唔單止令動作睇起嚟更加自然，而佢手持嘅一條絲帶更係相當有動感。不過講到模型嘅吸睛位，始終係佢嗰對極具分量嘅車頭燈，為咗配合澄川緒跳躍嘅動作，豪乳更係有向上晃動之感，加上若隱若現嘅飛釘效果，賣相真係邪念十足！