節日限定服務單身男最Happy

聖誕節搵銀旺季

每年嘅聖誕節對日本風俗業嚟講都係重要嘅日子，皆因同年度業績有密切關係。不過點解過節會同風俗業嘅生意會產生關係呢？據日本風俗業招聘網站「Mikke」分析指，一直以來風俗業都瞄準呢個節日，事關佢哋發現日本單身男每逢佳節倍揪心，因此風俗孃可以慰藉佢哋寂寞嘅心之餘，仲可以畀單身男有藉口出街流連，唔使咁早返屋企而畀人取笑，尤其係近年嘅文化已經演變成單身過節慘過乜嘅關係，令愈嚟愈多單身男情願搵風俗孃過節。

對於風俗孃嚟講，聖誕節亦係搵銀旺季，事關唔少有男友或老公嘅風俗孃都會喺呢個時候放假，對於單身或等錢使嘅風俗孃嚟講，供應少而客人需求大，令佢哋有更多發市機會。此外，對有一定年資嘅風俗孃嚟講，佢哋亦會喺節日前跟客人聯絡，等對方可以提前預約，佢哋亦會準備一啲小禮物，回饋客人一年嚟嘅支持。

為咗可以喺聖誕旺季搶生意，日本風俗業每年喺呢段日子都會推出節日限定企劃，從絕大部分風俗店都會有嘅聖誕限定優惠，到風俗孃聖誕限定服裝，甚至搞埋聖誕派對都有，選擇真係相當豐富。

4款制服誘惑

雖然話唔少日本風俗店都會推出聖誕限定嘅制服服務，但當中嘅制服唔係由風俗孃自備，就係可供選擇嘅服裝有限。咁又唔怪得風俗店孤寒，皆因從成本效益嚟睇，風俗店冇理由買大量各款聖誕服裝，只為聖誕節嗰3日用嘛！不過凡事總有例外，呢間位於池袋嘅風俗店「甜美女孩」（甘えっ娘），早前購入咗4款聖誕女郎制服，分別係熱褲、比堅尼、迷你裙同傳統等4種唔同造型，等玩家喺入店前可以揀選，風俗孃便會換上所選定嘅聖誕女郎服上陣，最重要係價錢全免，的確相當吸引。

AV女優客串登場

既然想搵風俗孃度過一個窩心聖誕，點解唔索性將要求提高啲，搵個現役AV女優同自己歡度聖誕呢？位於名古屋中村區嘅風俗店「if」，就會喺聖誕節期間搵嚟幾名AV女優嚟個聖誕限定在籍活動，而當中最具知名度嘅女優，就係喺1986年4月13日於日本岡山縣出生，並且喺2010年以AV片廠Prestige專屬女優身份登場嘅宮間葵。2011年轉會到事務所T-Powers嘅宮間葵轉戰步兵片界，憑住35E-23-33嘅三圍數字，成為唔少AV迷嘅午夜女神。佢家陣連同3位AV素人女優，於聖誕期間喺風俗店提供香艷服務，相信會令唔少男士相當雀躍。

平安夜派對

大時大節最怕就係一個人過，縱然有風俗孃相伴，仲係覺得始終有啲冷清嘅話，呢個由位於埼玉縣大宮區嘅洗浴風俗店「LOVE & PEACE」所舉辦嘅平安夜派對，相信可以令單身男有歡度佳節嘅感覺。派對內容雖然離不開飲飲食食、玩遊戲同大抽獎，只係能夠同成班身穿聖誕女郎裝嘅風俗孃，及一班同道中人癲番晚，感覺真係相當唔錯。不過想玩嘅話要留意，除咗因為名額有限而要提前預約外，仲要先預約一名當晚會出勤嘅風俗孃，先至可以獲得入場機會。而喺玩樂之餘，玩家仲可以同風俗孃以優惠價共享二人世界。

撰文：魂