名聲受損

寫手J以前在各大網上討論區十分活躍,我也是那時看到他的分享報告而認識他的。不過事實是,近一年已經很少在這些虛擬世界看到他的文章、指南,「都有上去睇吓嘅,始終喺呢個網絡世界咁多年,都算係識落唔少朋友同粉絲,唔會一下就走咗去,不過依家就少咗發貼囉,費事煩啦!」寫手J之所以這樣說,我是知道一點的,因為這些討論區近年已經被大量有「利益關係」人士進駐,有場所中人去搞軟性宣傳,也有專門向場所拿着數的寫手,「我呢啲有少少人氣嘅無黨派人士,自然畀人搞啦!」寫手J沒好氣的說。

所謂畀人搞,包括有「明」的招數,在寫手J的報告上單單打打,例如質疑他內容的真確性,「係咪真o架?條女我都試過,好似無你講咁正喎!」「師兄,你係咪收咗人錢呀,內容好商業性喎!」至於「暗」的招數,就像以不開名的形式出報告攻擊寫手J讚好的場,甚或上場打毒針,總之令他在網絡名聲受損,「咁你話仲有乜意思吖?咪唔寫囉!」寫手J說,他選擇投稿雜誌,主要是因為是非較少,是的,紙媒,早已不是這些夜店的主戰場了。

撰文:黃韋龍