嚟緊小弟會飛去日本，親臨AV界盛事AV OPEN現場觀摩一下，真係諗起都興奮！其實前年小弟都採訪過呢項盛事，當時入到去四圍逛，見到各個由AV廠開設嘅攤位感到好開心，因為攤位多數有知名AV女優坐鎮，當中最令小弟睇到唔捨得走嘅攤位有兩個，一個係SOD，另一個就係Prestige。P廠出動大量女優站台，好似長谷川瑠衣、藤本紫媛以及園田美櫻等，個個熱情又親切，令人樂而忘返！今年P廠嘅表現更令小弟期待，事關近期P廠招攬咗好多優質新人之外，仲搵到一位天后級女優加盟，就係魔性之女里美尤莉亞喇！
尤莉亞最近冇推出作品，對上嗰部已經係喺5月時同AV廠死夜惡合作嘅《營業課長の濕ったパンスト》，AV迷等到頸長都唔見佢有新作，唔少人以為尤莉亞一心籌備搞美容院而唔再拍AV。幸好終於有新消息，原來尤莉亞轉投Prestige拍片，新作《新．絕對的美少女、お貸しします。75》將會喺9月22日上市，據悉兩者合作唔會係部頭式，而係長期合作，P廠有咗呢位天后級女優加盟，專屬女優陣容得以充實同強大，睇嚟又有一番作為喇！
撰文：賢