以往日本AV女優搵錢途徑唔多，主要都係拍AV賺錢，又或者兼職做風俗孃搵食，但係家陣就唔同喇！唔少女優都會雙線發展，做女優又做歌手，另外亦頻頻搞攝影會從龍友身上搵銀，至於拍電影都係一個常見嘅發展路線，乜有咁多片商會搵AV女優拍電影咩？梗係有啦！搵佢哋拍粉紅電影嘛！
所謂粉紅電影，即係三級片，有露點又有情慾場面，但係唔會好似AV咁用鏡頭特寫交歡動作，而片中一粒格仔都唔會有。位於日本上野嘅「上野オークラ劇場」就係專門播放呢類粉紅電影嘅戲院，可以話係粉紅電影愛好者嘅熱門蒲點。最近戲院為慶祝開幕7周年，特別精心炮製紀念作品《女ゆうれい 美乳の怨み》，當中有邊幾個女優演出呢？巴閉咯！有KMP一姐佐倉絆、友田彩也香以及涼川絢音等。電影首映禮當日，戲院門口有好多花籃，就知道呢套戲同三位女優都相當受歡迎，睇嚟女優們大可以從粉紅電影方面大力發展喎！
撰文：賢