進行性愛最重要係講心情同氣氛，否則好難獲得美滿高潮，之但係心情同氣氛呢啲嘢好難預測，可唔可以從科學角度，即係有根有據又有得計算嘅方法而獲得美滿嘅性愛呢？嚟自美國史密斯學院健康教育總監兼講師，同時專精於女性性慾嘅作家艾蜜莉‧納高斯基（Emily Nagoski），喺著作《性愛好科學：掙脫迷思、用自己的方式高潮》中就解釋到大家可以從科學角度獲得美滿性愛。作者用幽默風趣嘅文字，透過科學角度打破大家一直以嚟對女人性愛嘅「正常」標準，例如有女性表示自己從來冇性高潮，亦唔係特別想要，究竟呢種諗法係咪正常呢？又有女性覺得自己總係有性慾，甚至比對方主動，呢種做法係咪錯呢？作者表示現今女性對性愛唔了解，有啲則自以為清楚明白，卻原來所知道嘅其實都係錯，而以上之所以係問題，係因為大家總係鍾意用單一標準嚟衡量世界，亦因此束縛咗女性喺性愛上嘅追求。作者結合最新嘅科學研究同發現，向大家證明無論性慾係高定低，每個女人都能用獨一無二嘅方式體會性愛快感，並且喺無壓力又自在嘅情況下進行性愛，先至係女人最強而有力嘅春藥。此外，書中附上實用嘅量表、學習計劃及練習，方便女性自訂最自在嘅性愛情景，並獲得美妙無比嘅快感。