近年日本興起「觀光與風俗套餐」嘅玩法，玩家趁住長假期搵風俗孃玩，大家咪以為只係走去風俗店曳曳咁簡單，因為佢仲有「觀光」兩個字，睇番日本玩家嘅分享，玩法實情幾浪漫o架！所謂「觀光與風俗套餐」簡單嚟講即係約風俗孃嚟個觀光之旅，亦即係所謂嘅伴遊服務。有日本玩家分享指，啱啱嘅長假期就去咗淺草嚟個一日之旅，而佢嘅玩法就係先喺鶯谷嘅「A」字頭出張風俗店，約咗個35歲嘅風俗孃喺淺草花屋敷（日本最古老嘅遊樂場）嘅大門等，然後同對方喺遊戲場內玩咗5個鐘頭，而整個過程相當有拍拖感覺云云。大家以為約出嚟玩唔使錢，查實風俗孃分分鐘都係錢。據呢位玩家稱，呢種約會嘅收費同一般嘅出張價錢一樣，而佢所搵嘅風俗店收費為120分鐘30,000日圓（約2,100港元），而每延長30分鐘則要收取10,000日圓（約700港元）。以佢5個鐘頭嚟計，就已經使咗約6,300港元，而玩樂過程中嘅使費，全部由玩家包晒，難怪佢話條數相當襟計！補充番一點，唔係每間出張風俗店嘅風俗孃，都願意提供伴遊服務，去玩之前記得要問清楚。