現代人都明白健康除咗係個人嘅財富，甚至比起金錢更為重要。而喺日本寫真界當中，近年亦以健康性感為主流，以往賣病態美嘅弱質美人則漸漸少見。其實健康性感吸引力確係非凡，佢哋除咗散發陽光氣息，身材亦豐滿而具彈性，膚色雖然唔算好雪白，但係就夠晒光滑，喺男人眼中一樣耀目又養眼！
師傅成日教我，做人要趁後生多作不同嘗試同改變，亦要多向外走動，一來可收動中生財之效，二來可以識多啲朋友同女仔，淨係畀女仔見到我咁活潑好動都已經係美事一樁啦！不過，徒弟仔我就一向懶過千年大懶蛇，都係乖乖地坐喺屋企睇吓碟好過，就係咁畀我欣賞到一位極品美人喇！
佐藤聖羅自脫離人氣美少女團體SKE48作獨立發展之後，憑住豐滿迷人兼健美感十足嘅姣好身段突圍，最大嘅賣點當然係一對脹卜卜又彈手嘅無敵G奶啦！聖羅喺寫真界發展如意，及後被電影界賞識而忙於拍戲，好彩最近聖冇咁忙，終於抽到時間拍寫真作滿足粉絲喇！喺新作《Impossible》當中，聖羅發揮其演戲細胞，以不同造型登場，例如日本女警裝、黑色緊身衣、校園競泳水着等等，賣弄不同性感滋味，當然最要賣弄嘅地方就梗係脹卜卜嘅胸膛啦！
碟名：《Impossible》
收錄時間：91分鐘
售價：約HK$283
所謂十年人事幾番新，一個人喺同一個行業做到十年，唔係一件容易嘅事，而喺超過十年嘅工作日子當中，能夠長期保持活力以及健康更加唔容易，邊個咁叻叻？咪就係中村靜香囉！佢係日本寫真界其中一位童顏巨乳代表人物，其甜美又充滿治愈力嘅面孔，以及被形容為與棉花糖一樣充滿彈性嘅雙峰，俱令寫真迷津津樂道，但係好多人都估唔到靜香樣子如此可愛天真，喺2005年已經推出首本個人寫真集，拍寫真已經超過10年喇！
靜香出道以來一直都努力工作，多年來為觀眾送上健康性感魅力以及花樣百出嘅寫真表演。喺《いけない妄想戀愛》當中，靜香扮演只懂撒嬌的女孩，一邊展露充滿曖昧嘅表情，一邊寬衣解帶，繼而肆意扭動同輕晃其豐滿身材提供視覺刺激，色誘佢最疼錫嘅男朋友，咁呢位咁幸福嘅男友又由邊個飾演呢？咪就係螢光幕嘅大家囉！
碟名：《いけない妄想戀愛》
收錄時間：75分鐘
售價：約HK$283
撰文：賢