Pornhub係全球最大型鹹網，但喺網友心目中，佢亦係全球最佳廣告公司，皆因拍溫情廣告最耍家！而「每逢佳節倍Pornhub」真係冇講錯，每年大時大節，Pornhub都會出嚟惡搞一番，拍段溫情洋溢嘅宣傳片，即使唔係四仔迷，男女老幼都Buy o架！繼情人節後，嚟到母親節，今次Pornhub連阿媽都照顧周到，最新派街嘅廣告片就呼籲各位孝子要多啲關心媽咪，最佳禮物不妨送一副VR眼鏡「Mommy Special Glasses」，由Pornhub限量製作，備有粉紅、粉藍及粉黃三種顏色供選擇，你仲可以自訂愛心Message送畀摯愛母親，而重點係完全免費，不過想得到呢副VR眼鏡要身在美國先得囉！本地孝子無得送，咁不如送段片畀阿媽睇吓啦！