識得尊重女人嘅男人至係好男人，喺床上尊重女伴及態度溫柔，更加可以令女伴獲得無比享受添！提到床上享受，好多人都會購買情趣用品增添快感，早前有調查了解一下英國男女藏有幾多情趣玩具。
所謂名不正則言不順，相處日久如果唔正式確立男女朋友嘅地位，做乜都好似寸步難行一樣，好似小弟同女神相處咁耐，都未有承認大家係男女朋友關係，所以言談、舉止都要特別小心，喺其他朋友面前亦少不免有多少尷尬，當然女神冇明示或暗示過要做我女友，我亦無謂亂咁嚟，玩吓手原來佢真係當我係普通朋友咁咪好瘀囉！而男士喺床上要令女伴高興同滿足，確立對方嘅地位亦相當重要。最近，約會網站「Reddit」訪問過好多女用戶，問及男方有邊幾種床上行為令佢哋覺得討厭，當中好多都同影響到女性嘅地位有關，第一就係男方動作太粗魯喇！有受訪女士表示喺交歡嘅時候男方態度唔夠溫柔，更用力捉實佢哋嘅手或腳繼而產生痛楚，咁就會令女性覺得唔受尊重。第二係要求打野戰，女仔會覺得男方當佢係性觀念開放嘅蕩婦，可以隨心隨意咁席地而戰。第三就係將女方當係AV女優一樣，要求佢哋主動配合以及表現出一流技巧，男方咁做又令女仔覺得不受尊重，地位唔係女友而係專業女優。各位男士唔想令女伴唔開心，就記住唔好做以上嘅行為喇！
時代進步連帶人嘅思想愈來愈開明同開放，之不過香港就未必喇！因為有好多道德塔利班，一見到社會上有事情超越佢哋狹隘嘅道德容忍範圍，就會發動口誅筆伐，所以香港人想由保守思想當中轉型實在唔容易。提到思想開放，講買情趣玩具方面香港人仲係怕怕醜醜，但係外國人就視作等閒，今日就睇吓佢哋擁有幾多件珍藏啦！早前一個L字頭嘅情趣玩具銷售網站訪問咗3,751名成年男女，睇吓佢哋擁有幾多件玩具，結果顯示最多男性同女性珍藏嘅成人玩具有3件，但係喺女性方面，排行第二位居然有11至15件，第三位則有4件。另外，綜合受訪男女嘅回應得知，逾8成人都鍾意購買帶有震動功能嘅玩具，而大部分玩具都係自己選購，只有四分之一人表示玩具來自伴侶送贈。
撰文：賢