最近日本AV達人宮地謙典又出動，深入了解一下AV界嘅情報，今次佢搵來上屆AV OPEN男優獎得主田淵正浩做訪問，期間正浩哥講咗好多舊事，亦道出現代男優嘅艱苦，同時仲點評咗多位令佢印象深刻嘅經典女優！
有留意本版嘅朋友相信都以男性居多，為滿足大家嘅需求，所以文章內容多數都係講囡囡，今日就轉一轉口味，同大家講男人，此男並非凡夫俗子，而係喺AV OPEN 2016榮獲男優獎殊榮嘅頂級AV男優田淵正浩！正浩哥最近獲AV達人宮地謙典邀請接受訪問，期閒正浩哥講咗好多AV界嘅所見所聞。從事男優工作27年嘅正浩哥表示，家陣做AV男優的確唔容易，如果用舊時嘅態度嚟工作好快就適應唔到，甚至會被淘汰，點解呢？因為家陣AV製作公司為咗慳成本，對於男優嘅工作要求增加咗好多，但係人工就冇乜點加過，一般唔多出名嘅每部片酬得2萬至6萬日圓，出名嘅中堅分子則有20萬日圓一部，然而製作單位可能要求男優負責埋其他工作，例如封面攝影、處理AV拍攝流程等等，最好就連劇本都幫手諗埋，工作量可以話係以前嘅3倍。
正浩哥除咗提到現世代嘅AV男優工作量增加咗之外，同女優嘅關係亦有重大改變。正浩哥形容上一代嘅AV男優係大色狼，演出嘅時候可以肆意咁玩弄女優，簡直就係唔使理佢感受，而當時嘅AV作品又的確係以此題材吸引AV迷。喺鏡頭前係咁，男優同女優於拍攝前嘅相處亦相若，正浩哥話當時嘅女優大部分都聽教聽話，唔多夠膽反抗，令男優就算喺鏡頭以外亦可以對女優為所欲為。不過，正浩哥就話現時女性主義抬頭，現代嘅女優亦多數都見過世面，仲吸收到好多有關保護女性權益同安全嘅資訊，分分鐘惡過班男優，所以依家就要做個善良又親切嘅男人，喺拍攝之前同女優有商有量，打好關係、增強默契，令拍攝出嚟嘅效果更佳，宮地謙典聽到呢度就話道理就同西甲班霸巴塞一樣，雖然球員粒粒都係星，但係一個人嘅力量有限，點都要靠良好嘅團隊合作至可以旗開得勝。
提到AV女優，田淵正浩作為一位資歷深厚，曾經同8,000名女優上過床嘅頂級男優，相信就最有資格評論一下古今女優有咩分別。正浩話以前嘅女優好早就會去到拍攝現場，除咗態度專業之外，目的係為咗熟悉工作環境，更加肯花時間了解當日嘅拍攝內容，但係現代女優唔遲到已經好畀面喇，至於演出通常都係以即興方式同按導演即場安排而進行，連劇本都唔睇。喺正浩哥嘅27年男優生涯當中，佢最欣賞及最鍾意邊幾個女優呢？佢話舊時嘅經典女優當中有兩個「真理」令佢印象深刻，一個係鮎川真理，正浩哥形容佢成個人都充滿野性氣場，每次拍攝肉搏場面時，就連導演以及其他工作人員都神情緊張、屏息靜氣去注視！另一個真理就係美里真理，正浩哥大讚佢性格和善，而且整個人都散發出萬眾矚目嘅明星光采，同正浩哥另一個最鍾意嘅現代女優吉澤明步一樣咁吸引同迷人。另外，正浩表示極為欣賞上年引退嘅霞果穗，指出果穗身材小巧，卻充滿令人為之凝結嘅攝人能量，而且肉地結實，激戰期間每吓抽送都能夠給予適當嘅「回彈力」，同佢床戰慳力之餘，又能夠作出緊密而有節奏嘅抽送，實在係不可多得嘅頂級女優。
撰文：賢