雖然內地老深等夜場城市，成日都有打風消息傳出，卻一直無阻玩家一顆熱滾嘅心，仍然堅持繼續喺內地玩樂。有人認為可以同夜場媽咪打聽一下風向，只係呢種方法好似唔係咁「靠譜」，皆因夜場間都會有競爭，你又點知個媽咪係咪放流料，用嚟打擊對手呢？難怪唔少玩家認為，打風打唔打到埋身，真係好講彩數。不過有時啲料又唔係只係靠路邊社消息，好似番禺咁，當地有關部門就講到明呢輪會打風。話說自今個月中起，番禺各區開展一輪清查娛樂場所同出租屋嘅行動，而針對對象正正係黃賭毒。好似喺市橋街東郊村嘅清查出租屋行動中，行動人員除咗逐家逐戶為出租人士進行登記外，仲檢查有冇可疑人物及藏有可疑物品，另外仲會睇吓租客有冇人從事賭博及賣淫嫖娼行為。其後於鐘村街嘅行動中，集中搜查該區一帶嘅娛樂場所，警方巡查咗多間棋牌室及俱樂部，雖然並未發現有違法行為，但警方表示對於黃賭毒嘅打擊力度仍會持續。