理論上，日本風俗店係男人嘅勝地同性地，只係有種風俗店卻係「男士禁制」，究竟乜嘢風俗店竟然禁止男士進入呢？相信心水清嘅玩家一睇就知，呢啲風俗店係畀女性去玩嘅女同風俗店，而日本稱呢種風俗店做「百合型」風俗店，為咗唔想令男性玩家混淆，仲會加上「女性專門」四個字。大家唔好以為呢類風俗店只屬少數，現時日本約有140間，主要分為3種類型，分別係「風俗美容院」、「出張伴遊」及「出張風俗」，當中尤以「出張風俗」嘅數量最多。呢啲風俗店嘅收費，相對男性專門風俗店會貴少少，就以位於秋葉原「G」字頭嘅女性專門出張百合風俗店為例，每90分鐘嘅收費為28,000日圓（約1,960港元）。至於玩法方面，亦同男性專門風俗店一樣，只係多咗一樣女性專玩嘅豆腐遊戲而已。講咗咁耐，可能有男性玩家會問：「呢種女同風俗店同男人有乜關係呢？」原來最近有女性專門風俗店容許男性玩家嚟玩，對於一直以嚟對女同呢個神秘世界，抱有極大興趣嘅玩家即時流晒口水。不過當大家睇清楚後，卻發現原來玩法係有限定，不但要預先報名，過程亦只能被動，甚至只能遠觀而唔可以同房內囡囡有任何身體接觸。點解會咁呢？因為呢種服務係當兩女進行百合行為時，搵個男人喺現場助興囉！畀錢又冇得掂，唔知大家有冇興趣呢？