對於年中各大鹹網選乜選物，其實四仔迷仲有冇興趣留意呢？眼睇就冇囉！咁點解仲要搞？無他嘅，當幫網站宣傳吓，同友好脫星Friend吓，借啲意搞吓優惠，總之就圍威喂喇！但既然係做吓宣傳、谷吓收視，點解Dillion Harper可以連續３年捧走「成人帝國」全民投票「最受歡迎女性」冠軍咁厲害呢？唔通係造馬？
「三連霸」發生喺脫星界，呢單真係堅料中嘅堅料，只可惜唔係發生喺AVN、XBIZ及XRCO頒獎禮上，否則Dillion Harper個朵真係衝出地球呀！不過都唔好睇小呢個「Final Femme」選舉，話晒「成人帝國」即係AE鹹網都係成人網巨擘，今次已經舉辦到第6屆，而Dillion Harper連續三屆捧走冠軍寶座，無知嘅會認為係AE造馬畀佢攞獎，但有少少智慧嘅都明白，AE毋須捧一個非合約脫星，加上阿妹替AE演出嘅作品唔多，仲有選舉結果堅稱係一人一票網絡投票選出，由初賽入圍名單有過百位一線脫星，到最後得番四強爭霸，如果咁樣你都覺得係內定冠軍，即係侮辱其他參賽脫星啫！
當然細佬都深信賽果唔會百分之百全民公投，但點解要畀Dillion Harper成為「三連霸」，連網友都嘖嘖稱奇，睇番阿妹喺2015年第一次得獎時，決賽對手係Riley Reid，論波哋及樣貌兩人都差無幾，但講知名度，Dillion妹於2012出道，可謂輸畀Riley Reid九條街，但係最後佢都勝出，好嘢！第二年即2016年「冧莊」仲爆，對手係女神Dani Daniels，同年捧走XBIZ Awards「Female Performer of the Year」大獎，但結果都係輸畀Dillion Harper。至於今屆又點呢？話晒連續3年奪得冠軍，雖然冇頒獎禮，亦冇現金獎，但係令Dillion妹備受各界關注，而AE網站亦為慶祝阿妹得獎，所有佢有份參演嘅四仔全部7折發售益街坊，好抵喎！
雖則各界都唔認同「Final Femme」嘅認受性，但冠軍得主Dillion Harper嘅實力毋庸置疑，事實上佢係業界堅揪得脫星，更被網民稱為「實力與名氣不相稱」，究其原因係阿妹衰低調囉！入行5年，Dillion妹嘅甜美天然外形，係歐美巴打最喜愛嘅類型，強項扮無知少女，而扮少婦玩愉虐亦得，初落床時嘅作品，以第一次乜乜乜作賣點，成績十分理想，由於人氣太爆，及後片廠安排佢過底女同界，藉以谷大女同個餅，Dillion妹憑住專業演出，即使對同性不感興趣都一樣表現得好投入，四仔迷都服咗佢，更成為好多人心中嘅實力脫星。仲有，唔好忘記Dillion係Fleshlight少數推出個人J杯嘅脫星，你同我就話靠把口吹啫，商家佬講數據，點會死錯人先，所以話Dillion Harper攞任何獎，都係實至名歸嘅！
Dillion Harper三連霸好癲，但癲極都唔及Dani Daniels，事關阿妹近日捧走GameLink一年一度舉辦嘅「瘋狂脫星」（Porn Star Madness）大獎， 咩叫瘋狂，虛名嚟嘅啫，但阿妹堅贏得狂喎，皆因佢以百分之七十二大比數網上投票率，擊敗Adriana Chechik，獲得500美元現金獎外，仲攞埋世界頂級色情明星（The World's Top Porn Star）名銜添！而GameLink喺全球色情佔有率差唔多達7成，咁你自己諗邊個爆啲喇！
撰文：祖