作為日本嘅ACGN迷，冇理由唔知當中嘅N係指乜嘢，冇錯！就係指輕小說。事實上有唔少人氣動漫及模型，跟輕小說有密不可分嘅關係，好似《約會大作戰》就係其中一個好例子。呢本輕小說憑住有趣嘅故事，同埋一眾美少女角色，而廣受大家歡迎，其後更推出動漫及模型作品，今次介紹呢位趴地巨乳美少女夜刀神十香，正係嚟自呢本輕小說嘅女主角。
作為女主角，十香唔單止樣貌甜到漏，身材更係相當火辣，尤其係一對巨乳極之引人入「性」。至於呢個模型不但忠實呈現十香嘅驕人上圍，加上趴地甫士帶嚟嘅乳搖幻想，更係挑戰大家嘅想像力。除咗胸前一對巨乳係模型嘅焦點外，趷起嘅美股同樣吸睛，大家從後面睇時，就會發現美股有幾渾圓，絕對係前後都咁有觀賞性。此外，亦不得不讚模型做工十分精細，十香頭上紮住嘅頭巾，上面嘅花朵非常精緻，係用透明塑料製造，睇起嚟更生動，令模型生色不少。
全高：約115mm
售價：￥13,824（約HK$968）
發售日期：2017年5月
撰文：魂