外國成人小說唔單止題材夠多，更有唔少精彩作品，原因唔係外國人想像力豐富，而係在於我哋對成人小說嘅認識，仍然離唔開鹹古嘅傳統觀念，以為一味啪啪啪嘅情節就係好睇。今次介紹呢本由美國著名孖妹寫作組合Christina Lauren所著嘅人氣作《美麗陌生人》（Beautiful Stranger），正好讓大家了解外國成人小說魅力所在。Christina Lauren其實係Christina Hobbs同Lauren Billings兩位女作家嘅筆名，佢哋憑住初次合作嘅成人小說《小小瘋狂》一舉成名，其後作品嘅《美麗大壞蛋》更被拍成電影。
至於《美麗陌生人》講述任職財務主管嘅莎拉‧迪倫同偷食男友斬纜後，搬到美國並追尋刺激夜生活，有晚佢喺一間舞廳內遇到一位英俊迷人嘅英國男子，之後兩人發生瘋狂無比嘅一夜情。呢位名叫麥克斯‧史德拉嘅英國男子，原來係紐約著名嘅花花公子，憑住華爾街嘅壞男孩魅力食女無數，卻估唔到竟然被莎拉深深吸引，皆因莎拉唔單止願意畀佢影低歡愉時嘅激情照片，亦同佢一樣潛藏瘋狂嘅性愛本能，令佢體驗到原來性愛可以毫無限制地進行。自此兩人嘅交鋒場地由床上轉到室外，從停車場到森林都係可以搞嘢嘅地方，兩人都會展開一場無與倫比嘅激情性戰，正正係呢種犯禁嘅性愛行為，令兩人嘅肉體同心靈不斷交織喺一齊。正當麥克斯以為搵到苦尋多年靈慾合一嘅另一半之際，其實莎拉心底裏一直擔心，同對方發展出一段過度親密嘅關係。
書名：《美麗陌生人》（Beautiful Stranger）
售價：約HK$90
撰文：魂