男人絕大部分都希望女伴喺床上能夠發出嬌嗲嘅呻吟聲，其實女人一樣希望男人喺交歡時有聲出。出軌唔係男人嘅專利，女人一樣可以，最近有項關於女士們出軌時最常用藉口嘅調查，到底係乜呢？一陣話畀大家知。
無論睇電視定入戲院睇戲，遇上有聲冇畫，抑或係有畫冇聲，都會令人好掃興，可想而知聲畫同步係幾咁重要。而男人喺床上亦同樣希望女伴有反應，包括表情及叫聲！老實講，男人埋頭苦幹除咗希望自己得到快感，更加希望女伴開心暢快，如果女伴粒聲唔出興奮感自然大減，亦對自己嘅性能力信心驟降，其實女人亦一樣係咁諗！早前外國網站訪問咗好多女士，問佢地提供男士們改善床上表現嘅意見，當中最受女性推舉嘅意見就係男士喺床上都要出聲！有女士表示好多男人都只係掛住抽送而鮮有出聲，有時連呼吸聲、喘氣聲都會忍住，但係咁樣會令床戰缺少氣氛，有女士亦覺得男人喺抽送時唔出聲會令女方以為佢諗緊其他女人，亦反映呢段關係唔夠坦誠相對。第二個意見就係最怕男人用一指神功，認為男人有咁多隻手指，用嚟按摩一定會比起用一隻手指撩撥為舒服。另外亦有意見千祈唔好一本通書睇到老，同一樣嘅前戲同抽送方式可能適合前度，但係唔一定適合其他女性，男士們更切忌提到如何用此招數令前度興奮莫名，否則即時犯上死罪！
女人疑心大就係人都知，男人每次外出，女伴都會問長問短，生怕男方出外拈花惹草，近年智能手機普及，更幫助到女性追蹤男伴嘅去向，明明話同班兄弟去花墟球場踢波，但係點解位置顯示喺砵蘭街呢？呢鋪真係吟詩都吟唔甩啦！就算今次唔分手，往後一定被加強監控喇！老實講，男士們去滾當然藉口多多，但係女士出軌一樣有好多藉口。早前，出軌約會網站Gleeden就訪問咗18,000位用戶，以了解一下女性如果瞞住男伴偷食通常會用咩藉口，結果發現佔66%女性會以「同班姊妹去玩」作為理由，借姊妹過橋，呢一點同好多男人借兄弟過橋一樣喎！至於其次常見藉口就係去購物又或者進行美容療程；第三多人用嘅藉口就係去健身室做運動，至於第四就係同父母食飯。
撰文：賢