老細「腦細」有名你叫，口不擇言就預咗o架啦，最慘係你要幫佢執手尾呀！GameLink作為一間歐美大型四仔娛樂網絡供應商，可以話凡係同性有關嘅嘢佢都有齊，不過佢嘅業務發展及營銷副總裁Jeff Dillion唔知係咪睇得四仔太多而睇到Short咗，定還是對脫星有偏見，早前喺網站撰文，標題為「Four Porn Stars Who'd Make Terrible Girlfriends」（四個脫星誰會係麻煩女友），結果被多個成人新聞網取笑Jeff Dillion係白癡！又難怪嘅，事關係男人都知道脫星人前人後兩個樣，為咗滿足四仔迷，喺鏡頭前幾淫蕩都得，但現實又點會係咁先？而Jeff哥竟天真地將脫星喺幕前嘅演出，當成係真實性格，大數四個脫星不是，其中一個係新女Charlotte Sartre被Jeff哥數得最狠，差啲連人哋嘅屋企人都攞埋出嚟講；另一個受害者Keeani Lei都唔好得去邊，被Jeff哥喪插冇樣冇身材。事後，有新聞網幫呢幾位脫星平反，而網民都覺得Jeff Dillion無聊無知兼無腦。未知係咪要平息民憤，Gamelink刪走晒Jeff哥篇文章，同時發文表示深表抱歉，但係隻字不提自己有錯，亦冇對受傷脫星道歉囉！令人更奇怪嘅係幾位脫星都冇因為咁而鬧爆Gamelink同Jeff Dillion，反而新聞網繼續咬住唔放，將焦點落喺公關及市場部，插佢哋連基本化解問題都唔識！坦白講，四仔娛樂從來都係違反道德企業，要佢哋道歉，會唔會咁先係錯呢？