骨妹係桑拿技師嘅俗稱，而提供色慾服務嘅骨妹一般叫做「女」，而佢哋工作嘅場地則被稱為「邪骨場」。喺日本嘅風俗文化中，不論囡囡喺邊類型嘅風俗店工作，都係清一色叫做風俗孃。話說回來，其實日本嘅骨妹喺邊度搵得到呢？
骨妹特別之處係會為客人提供色慾服務嘅同時，仲會為對方按摩一番。想喺日本搵到骨妹，即係風俗孃嘅話，就要去「エステ」，即係美容院。不過呢類美容院就唔係幫女士們護膚嘅美容院噃，皆因佢只招待男士之餘，更會提供特殊按摩服務。如果大家喺日本見到「韓式美容院」、「台式美容院」、「回春美容院」、「性感美容院」等都係邪骨場，唔好去錯地方喇！
此外，仲有啲更加直白嘅風俗店，就係「マッサージ」（Massage）。大家都知「Massage」係按摩嘅意思，為咗方便玩家區分邪骨場同正經場，會以「性感Massage」作招徠。如果玩家驚去錯正經場，喺網上搜索時，直接以「風俗」加上「マッサージ」就得。近年唔少「ソープランド」（Soapland）洗浴風俗店亦推出按摩服務，希望能吸納一班想享受按摩嘅玩家。
日本嘅風俗美容院經營方式，同我哋觀念中嘅邪骨場有啲唔同，事關佢哋分為「店舖型」同「出張型」兩大類。前者顧名思義，即係有固定店舖，而坐落嘅地方以市中心或風俗街為主，為咗方便玩家光顧，同時又避免繳付高昂租金，通常位於舊式大廈當中，而店內亦設有多個房間供玩家使用。
至於「出張型」風俗店，則要講到喺上世紀末日本政府打擊店舖型風俗店，並喺1999年修訂「無店舖型性風俗特殊營業」條例，令唔少原本以店舖型經營嘅風俗美容院，轉以「出張型」嘅無店舖形式繼續經營，玩法亦有啲改變，就係玩家必須預約，然後安排風俗孃到指定地點相會。呢種玩法對今日嘅玩家嚟講好正常冇乜特別，但係對當時嘅玩家嚟講卻充滿新鮮感，因此令「出張型」風俗店生意大增。
由於兩種類型各有各優點關係，故此有調查指，現今東京一帶嘅風俗美容院，「店舖型」同「出張型」嘅比例為4：6，整體上數量相差唔大。
全日本有為數唔少嘅風俗美容院，當中有啲喺日本玩家群中有極高口碑，其中一間就係位於涉谷道玄坂嘅「A」字頭風俗店。呢間風俗店嘅賣點，唔係風俗孃質素有幾咁超班，而係在於兩個字：抵玩！皆因佢推出45分鐘9,000日圓（約612港元）套餐，連埋各類雜費，都只不過係800多港元，相對其他嘅風俗美容院，呢個價錢真係好平。
如果大家唔介意畀多啲錢享受120分鐘服務嘅話，更可獲得兩個鐘內「無限開火權」，但問題係玩家有冇咁多精力先？喺現今日本經濟不景氣嘅日子，除咗呢間風俗店行抵玩路線，愈嚟愈多風俗店都以「激安」同「格安」作招徠，以平價吸引玩家捧場。
骨妹唔單止要樣靚身材正，身懷一套洩魂手技更係相當重要。日本風俗孃亦係如此，以出色手技吸引玩家捧場，因此有傳說神技「四十八手」嘅出現！最初嘅「四十八手」並非色情按摩技巧，而係源自日本江戶時代，描繪男女之情嘅四十八種形態，當中包括邂逅、引誘、交往到離別，而呢種男女感情交流嘅形態亦被稱為「表四十八手」。其後喺呢個基礎上，演變出描寫性愛體位嘅「裏四十八手」，並且透過AV發揚光大，亦係現今唔少人熟悉嘅「四十八手」嘞。
由於「四十八手」嘅艷名實在太響關係，故此有風俗孃將當中動作糅合按摩之中，結果創造出按摩神技「四十八手」！及至今日，唔單止風俗美容院以此作為賣點，部分「Soapland」洗浴風俗店更演化出「九十六手」添！
按摩風俗孃除咗可用外形同技巧嚟吸客，仲有乜嘢方法呢？就係以AV女優之名！大家都知AV女優嘅叫座力有幾咁大，亦因為咁嘅緣故，風俗美容院鍾意搵佢哋嚟客串，不過有啲所謂AV女優嘅身份，卻係令人懷疑真實性。好似新宿有間風俗美容院報稱「單體AV女優」名叫葵入籍，而佢嘅名字正正同日本AV大廠S1嘅AV女優葵一樣。不過唔少玩家對兩者是否同一人感到懷疑，皆因風俗店嗰個女優嘅樣貌及身材，同S1嘅AV女優葵唔多相似之餘，前者報稱20歲，而後者於1994年12月3日出生，即係22歲。究竟當中有冇伏，就等大家自行判斷喇。
撰文：魂