日本嘅風俗店係唔少港男嘅夢想性地，皆因對睇住日本AV長大嘅我哋嚟講，有乜嘢比親身體驗日本風情更加過癮呢？不過事實上係日本風俗文化中，風俗孃同AV女優嘅本質有分別，如果唔識得風俗店嘅規矩，因而同風俗店人員發生爭拗嘅話，大家估到下場會係點啦！
東京嘅歌舞伎町、吉原等紅燈區嘅街頭，總會見店內貼滿靚女相，招牌寫住「無料案內」嘅「無料案內所」。色心大動嘅男士唔好以為佢係風俗店，其實當中嘅「無料」解做免費，「案內所」則係中介機構，簡單嚟講，佢嘅功能僅在於免費介紹玩家去邊間風俗店玩樂。
呢啲中介公司理論上會收取玩家嘅中介費，而當玩家真係跟住中介嘅介紹去某風俗店玩樂後，中介又會向風俗店收取費用。不過為咗吸引玩家，絕大部分中介免去收取玩家嘅中介費。就咁睇中介好似冇乜作用？唔係喎，因為佢哋會為玩家同風俗店鋪橋搭路，唔使自己慢慢上網摷，玩都玩得舒服啲。
網上流傳日本風俗店唔會招呼外國人，究竟事實係咪咁呢？基於言語不通同日本人懼外心理，為免引起不必要嘅誤會同麻煩，大部分風俗店情願一刀切，拒絕外國人光顧。除非，玩家嘅日語水平高到連日本人都覺得你係自己人，咁就另計。玩家唔想摸門釘，其實日本有唔少風俗店寫明會招呼外國人，而網上亦有專為外國玩家而設嘅風俗情報網站，寫明邊間風俗店嘅風俗孃識得邊種外語，玩家自然可以搵到心頭好。
隨住內地掀起遊日潮，唔少原本唔做外國人生意嘅東京風俗店都積極吸納內地遊客，於是出現內地遊客撐起風俗業嘅講法。但情況喺上年年中出現逆轉，由語言不通同文化差異所衍生嘅醉酒鬧事、拗數、對風俗孃霸王硬上弓等問題，令唔少風俗店都謝絕招待內地遊客。佢哋唔做強國生意，關西嘅風俗店卻大力搶客，並吸取東京地區嘅教訓，安排專人為內地客提供服務前教育，等佢哋唔好亂嚟。
講起拗數，其實日本嘅風俗服務一般係按時收費，平均約為60分鐘15,000日圓（約HK$1,050）。不過，點解享受完60分鐘服務後，埋單價會貴咗咁多？原因好簡單，上述個價係基本服務費，如果玩家玩啲基本套餐以外嘅服務，則係逐項計錢，舌戰、舔心口、吹奏等一般都免費，而高潮噴水、顏面發射、絲襪服務等就逐項收錢。如果玩多咗，或口快快答應風俗孃嘅要求，最後埋單就會好貴囉！
唔好話唔知規矩嘅本地玩家，就連日本玩家都覺得頭痕嘅係，點解每逢「給料日」，各種類型嘅風俗店都會咁旺場嘅？「給料日」即係出糧日，而日本大部分公司會喺每月25號出糧，因此每到月底嗰幾日，都係風俗店最旺場嘅日子。唔想睇咗20幾日嘅心儀風俗孃畀人Book爆期，其實絕大部分風俗店都有官網，而且相當歡迎玩家網上預約之餘，仲會顯示埋風俗孃嘅「出勤情報」。
日本風俗店最令人興奮嘅地方，就係經常搵到AV女優加盟，尤其係一啲同AV女優經理人公司相熟嘅風俗店，更係唔少AV女優搵外快嘅熱點。有人以為做AV女優好搵過風俗孃，而地位又好似高啲咁，其實呢種睇法勁錯！因為風俗孃嘅實際收入一般比演出AV多好多。而女優有錢搵，風俗店既可宣傳又可谷生意，真係雙贏！好似極有人氣嘅里美尤莉亞，上年9月喺東京青山嘅風俗店「CLUB 虎之穴」入籍消息一傳出，即刻引起日本AV界極大回響。
撰文：魂